Toshkentning Yunusobod tumanida Amir Temur shoh ko‘chasi ustidan o‘tgan ko‘prik 2 hafta davomida ta’mirlanadi. Bu haqda poytaxt hokimligi matbuot xizmati xabar berdi.
Xabarga ko‘ra:- 17—14-yanvar kunlari ko‘prikning 7-son (oldingi 17-son) Shahar klinik shifoxonasidan Yunusobod metrosi (mo‘ljal: Universam)gacha bo‘lgan oraliqda (ikki tomonlama yo‘lning bir tomoni);
- 14—21-yanvar kunlari ko‘prikning Yunusobod metrosidan (mo‘ljal: Universam) 7-son (oldingi 17-son) Shahar klinik shifoxonasi yo‘nalishidagi qismi (ikki tomonlama yo‘lning ikkinchi tomoni) ta’mirlanadi.
Shu sababli ko‘prikning ta’mirlash ishlari olib boriladigan qismi avtotransport vositalari qatnovi uchun yopiladi.
Hokimlik tirbandliklarning oldini olish uchun haydovchilarga aylanma yo‘llar orqali harakatlanishni tavsiya etgan.
Eslatib o‘tamiz, 2020-yilning dekabrida Toshkentning Taxtapul mavzesidagi “tankodrom” ko‘prikning to‘xtab qolgan ta’miri bir oyga qolmay yakunlangandi.
Izoh (0)