30 yoshli britaniyalik Tomas Todd doimo qo‘shiqchi Selin Dionning muxlisi bo‘lib kelgani va shampan vinosi ichib televizorda uning konsertini ko‘rib o‘tirgan vaqtida ismini o‘zgartirishga qaror qilganini ma’lum qildi, deb yozadi Esquire.
“Men Selin Dionning biroz ‘jinnisiman’. Lokdaun vaqtida uning ko‘plab televizion translyatsiyasini tomosha qildim. Dionning navbatdagi chiqishi vaqtida bu ajoyib g‘oya ekanligini o‘ylab qoldim. O‘shanda biroz mast edim”, — deydi Todd.
Tomas ismini o‘zgartirish uchun onlayn ariza topshirgan va buning uchun 89 funt sterling sarflagan. Biroq uning aytishicha, barchasi qanday sodir bo‘lganini o‘zi eslay olmaydi.
https://twitter.com/ThomasDodd1/status/1344371858385338369
“To‘g‘risini aytganda, buni qanday amalga oshirganimni eslay olmayman. Hatto pochta qutisidagi xatni topib olmagunimga qadar ismimni o‘zgartirganimdan bexabar edim. Avvaliga kimdir hazillashyapti deb o‘yladim, keyin bankda barchasini tasdiqlashdi”, — deydi muxlis.
Erkak o‘zining eski ismiga qaytishga shoshilmayapti. “Onamga barchasi bundan ham yomonroq bo‘lishi mumkinligini tushuntirdim, axir Boris Jonsonni tanlashim mumkin edi — yaxshiyam u konsertlar bermaydi”, — deya qo‘shimcha qiladi Todd.
Izoh (0)