Ma’lumki, Angliya Premyer Ligasi dunyoning eng kuchli chempionati hisoblanadi. Har holda shunday hisoblashadi. Biroq u yerda mahalliy ya’ni, ingliz futbolchilar har doim ham muvaffaqiyatli harakat qilavermaydi. Ammo bu ularning soni umuman yo‘q degani emas. Aynan mana shunday yuqori darajadagi raqobatda “yo‘qolib” qolmasdan o‘z mavqeyini saqlab turgan kam sonli angliyalik futbolchilaridan biri, bu Rahim Sterlingdir. Dastavval, “Liverpul” sharafini himoya qilgan Rahim mana bir necha yildirki, Pep Gvardiola boshchiligidagi “Manchester Siti”ning yetakchisi hisoblanadi, yetarli darajada muxlislar ham orttirdi. Quyida esa uning muxlislari va umuman futbol ixlosmandlari uchun Sterlingning qanday hayot kechirishi haqida hikoya qilib beramiz.
Uylari
Sterlingning uyi anchagina obro‘li sanalgan Cheshir grafligida joylashgan. U yerda Manchester klublari va “Liverpul”ning ko‘plab futbolchilari istiqomat qiladi. Uyning taxminiy qiymati 3 million yevroni tashkil qiladi.
Shuningdek, u 2017-yilda Ispaniyada O‘rta Yer dengizi sohilidan 5 million dollarga uy sotib olgan. Bundan tashqari uning Yamaykada ham koshonasi borligi haqida ma’lumotlar bor.
Mashinalari
Sterling o‘z professional faoliyatini ancha oldin boshlagan, hozir u 26 yoshda. Shu bois uning ulkan avtoparki mavjud. Smart, Range Rover, Porsche Cayenne Turbo, Audi Q7, Audi A7, Mercedes S63 AMG, Bentley Bentayga, Bentley Continental GT kabi “toychoq”lar Sterlingning ixtiyoridadir.
Shaxsiy hayoti
Rahim Peyj Milian bilan umr yo‘llarini bog‘lagan. Rahim ilk bor 17 yoshida ota bo‘lgan. Shuningdek, uning ikki nafar o‘g‘il farzandi bor.
Do‘stlari
Sterling odatda bo‘sh vaqtini oila davrasida o‘tkazadi va o‘zini farzandlari tarbiyasiga bag‘ishlaydi. Shunga qaramay, u “shaharliklar” safida Gabriel Jesuz, Leroy Sane (hozirda “Bavariya” sharafini himoya qiladi) va Serxio Aguero bilan iliq munosabatlarga ega.
Daromadi
Rahimning “Siti” tarkibidagi bir haftalik maoshi 300 ming funtni tashkil qiladi. Bundan tashqari Sterlingga ko‘plab jahon brendlari reklama shartnomalari taklif qilib keladi. Turli ma’lumotlarga ko‘ra, uning Nike, Adidas va Puma (ma’lum vaqtlarga mo‘ljallangan) kompaniyalari bilan millionlab dollarlik (yevro) bitimlari bo‘lgan.
Boshqa maqolalar:
- Shaxsiy samolyot, hashamatli uy va Ronaldunikidan qolishmaydigan garaj. “Arsenal” yulduzi Pyer-Emerik Obameyang qanday hayot kechiradi?
- Voz kechilgan hashamat. Sadio Mane qanday hayot kechiradi?
- Uylar, mashinalar va Ronalduga muxlislik. “Manchester Yunayted” ritsari Markus Reshford qanday hayot kechiradi?