Xitoy iqtisodiyoti 2028-yilda AQSh iqtisodiyotidan o‘zib ketadi, deb yozmoqda Bloomberg. Amerikaning Centre for Economics and Business Research (CEBR) tadqiqotiga tayanib.

Bu Xitoyning koronavirus pandemiyasini yengilroq o‘tkazgani va tezroq tiklangani bilan bog‘liq.

Nashrning yozishicha, 2019-yilda ekspertlar Xitoy AQSh iqtisodiyotini 2033-yildan so‘nggina o‘zib ketishi mumkinligini taxmin qilgandi. Bundan tashqari, Osiyoning yana bir davlati — Hindiston 2030-yilga kelib jahon iqtisodiyoti reytingida uchinchi o‘rinni egallashi mumkin. Hozir u oltinchi o‘rinda.

Xitoy yirik iqtisodiyotga ega mamlakatlar reytingida ikkinchi o‘rinda. Undan keyingi o‘rinda Yaponiya, Germaniya, Buyuk Britaniya, Hindiston va Fransiya. CEBR prognoziga ko‘ra, 2030-yilga kelib kuchli uchlikning har biri bir pog‘onaga pastlaydi va bu holat 2035-yilgacha saqlanib qoladi.

Xitoy raisi Si Szinpin noyabr oyida hukumatning yangi besh yillik rejasiga ko‘ra, 2035-yilga kelib mamlakat iqtisodiyoti katta ehtimol bilan ikki baravar ko‘payishi mumkinligini aytgan.