Namanganda ijtimoiy tarmoq faollari boquvchisini yo‘qotgan oilalarga 70 tonna ko‘mir tarqatdi. Bu haqda “Daryo” muxbiri Azizbek Abduvaliyev xabar bermoqda.
Ijtimoiy tarmoq faollari sahovatli insonlar ko‘magida 50 tonna ko‘mir uchun mablag‘ to‘pladi. Tashabbusdan xabar topgan “Ko‘mir ta’minot” jamiyati viloyat filiali mutasaddilari o‘z hisoblaridan yana 20 tonna ko‘mir qo‘shib berdi.
— Nafaqat qo‘shib berishdi, balki qoplarga joylab, biz tarqatishni ko‘zlagan manzilga avtotransportda eltib ham berishdi. Buning uchun ularga minnatdorlik bildiramiz. Qishning sovuq kunlarida uylariga harorat kirgan oilalarning duolaridan umidvormiz, — deydi faollardan biri Muhammad Ikrom.
Muhammad Ikromga ko‘ra, 70 tonna ko‘mir Namangan shahri va shaharga yaqin hududlardagi 140 ta boquvchini yo‘qotgan oilaga 500 kilogrammdan taqsimlandi.
Izoh (0)