Amerikalik 3 yoshli Kolt Perris COVID-19 bilan kasallangan paytda insultni boshdan o‘tkazdi, deb xabar bermoqda “RBK” The Mirror’ga tayanib.
Ma’lum qilinishicha, bola nutqida muammolar paydo bo‘lib, o‘ng qo‘li ishlamay qolganidan so‘ng uning ota-onasi shifokorga murojaat qilgan. Kasalxonada koronavirusga topshirgan test salbiy natija ko‘rsatagan. Biroq shifokorlar tibbiy markazda qaytadan tekshiruv o‘tkazishga qaror qilgan. Test natijalariga ko‘ra bola organizmida antitanalar topilgan.
Keyingi tekshiruvlar davomida shifokorlar bolaning miyasida qon tomirlarida kislorod yetishmovchiligi oqibatida tromb hosil bo‘lganini aniqlagan. Bolada jarrohlik muolajasi amalga oshirilib, tromb olib tashlangan.
Shifokorlarning fikricha, insult koronavirusga chalinishi oqibatida yuzaga kelgan. Chunki COVID-19 tromb hosil bo‘lishiga moyillik keltirib chiqaradi. Shu sababli shifokorlar bolada koronavirus aniqlansa uning nutqi va harakatlarini nazorat qilib borish muhimlini haqida ogohlantirgan. Mutaxassislarning ta’kidlashicha, koronavirus infeksiyasi isitma shaklida emas, balki asab tizimi bilan bog‘liq muammolar ko‘rinishida namoyon qilishi ham mumkin.
Izoh (0)