“Sun’iy inson” ko‘rinishidagi Neon yordamchisining iPhone va Samsung flagmanlarida ishlayotgani tasvirlangan suratlar e’lon qilindi

Slashleaks saytida Janubiy Koreyaning Samsung kompaniyasi “sun’iy inson” ko‘rinishida yaratgan yangi avlod Neon yordamchisining suratlari e’lon qilindi, deb xabar beradi IXBT.

Ta’kidlanishicha, suratlarni e’lon qilgan manba 100 foizli ishonch reytingiga ega. U tez orada Neon’ning qanday ishlashi tasvirlangan videorolikni e’lon qilishga va’da bergan.

Hozirgi kunda Neon sun’iy insonlari foydalanuvchi bilan koreys va ingliz tilida suhbatlashmoqda. Taxminlarga ko‘ra, Neon yordamchisi 2021-yilda Samsung smartfonlari paydo bo‘ladi.

Suratlardan ko‘rish mumkinki, foydalanuvchilar ixtiyorida 15 dan ortiq virtual shaxslar bilan muloqot qilish imkoniyati bo‘ladi, shuningdek, mobil dastur hozirda Apple va Samsung smartfonlarida ishlamoqda.