Malayziyalik juftlik to‘y kuni mamlakatda pandemiya sabab o‘rnatilgan taqiqlarni chetlab o‘tmagan holda 10 ming nafar mehmonni qabul qilishga muvaffaq bo‘ldi. Bu haqda BBC News xabar berdi, deb yozadi Search News info.
Malayziyadagi yangi qoidalarga binoan to‘y marosimida 20 dan ortiq mehmon ishtirok etishi mumkin emas. Shunga qaramay, Tengku Muhammad Xofiz va kelin Oushen Alagianing to‘yida hammasi boshqacha bo‘lgan.
Juftlik nikoh oqshomini Malayziyaning Putrajaya shahridagi hukumat binosi oldida nishonlagan. Mehmonlar kelin va kuyov yonidan mashinada o‘tib, tabrik belgisi sifatida ularga qo‘l silkigan. Shu yo‘sinda tashrif buyuruvchilar mavjud qoida va ijtimoiy masofaga amal qilgan holda marosimda ishtirok etgan. 3 soat davom etgan tantanada har bir mehmonga oldindan maxsus qutilarga joylangan taomlar ulashilgan.
Kuyov vazirlar mahkamasining sobiq a’zosi Tengku Adnana Tengku Mansaraning o‘g‘li. 20-dekabr kuni 70 yoshni qarshilagan Mansara Facebook sahifasida tashrif buyurganlarga ehtiyot choralariga rioya qilgani uchun minnatdorchilik bildirgan.
Mavzuga doir:
- “Kuyovning ko‘z yoshlari”, “Kelin tomon yo‘l”, “Tana haroratini o‘lchash” — pandemiya davrida olingan eng yaxshi to‘y suratlari
- Britaniyada Korona ismli ayol pandemiya vaqtida hazillar va tahqirlarga uchrayotganidan shikoyat qildi
- Ko‘ngil yig‘lagan daqiqalar: kelin to‘y kuni turmush o‘rtog‘iga ajoyib sovg‘a tayyorladi (foto)
Izoh (0)