La Liga. “Barselona” autsayderni yirik hisobda yengdi, “Atletiko” ta’qibchisini mag‘lub etib peshqadamlikni saqlab qoldi
Futbol bo‘yicha Ispaniya La Ligasining 15-turidan o‘rin olgan 22-dekabr, seshanba kungi o‘yinlar o‘z yakuniga yetdi.
“Barselona” jamoasi “Valyadolid” mehmoni bo‘ldi va yirik hisobdagi g‘alabani qo‘lga kiritdi. 21-daqiqada Lionel Messining uzatmasidan keyin Kleman Langle to‘pni darvozaga joylab qo‘ydi. 35-daqiqada Martin Breytueyt katalonlarning ikkinchi golini urdi. 65-daqiqada Messi Pedrining ajoyib uzatmasidan keyin hisobni yirik ko‘rinishga olib keldi. Shu hisob o‘yin yakuniga qadar o‘zgarmadi.
“Barselona” ochkolarini 24 taga yetkazib olgan holda 5-o‘ringa ko‘tarildi. “Valyadolid” (14) esa 18-pog‘onada bormoqda.
“Atletiko” safarda “Real Sosyedad”ga qarshi bahs yuritdi. Mario Ermoso va Markos Lyorentening gollari “matraschilar”ga g‘alaba keltirdi.
Shu tariqa “Atletiko” ochkolarini 32 taga yetkazib olgan holda birinchi o‘rinni mustahkamladi. “Real Sosyedad” 26 ochko bilan 3-o‘rinda qoldi.
Yana bir o‘yinda “Sevilya” Susoning 81-daqiqadagi goli evaziga “Valensiya”dan ustun keldi.
La Liga
15-tur bahslari
22-dekabr, seshanba
“Valyadolid” — “Barselona” 0:3
Gollar: 0:1 – 21 Langle, 0:2 – 35 Breytueyt, 0:3 – 65 Messi.“Valyadolid”: Masip, Xoakin Fernandes, Sanches (Gvardiola, 79), Nacho Martines, Michel (Mesa, 57), Ervias, Plano (Kike Peres, 57), Alkaras, Jota (Orelyana, 57), Veysman, Markos Andre (Toni Vilya, 46).
“Barselona”: ter Shtegen, Dest, Mingesa, Langle, Alba (Firpo, 71), de Yong (Buskets, 71), Pyanich, Pedri (Koutinyo, 81), Arauxo (Umtiti, 71), Breytueyt, Messi.
Ogohlantirishilar: Alba (62), de Yong (68), Xoakin Fernandes (77).
“Real Sosyedad” — “Atletiko” 0:2
Gollar: 0:1 – 49 Ermoso, 0:2 – 74 Lyorente.“Real Sosedad”: Remiro, Monreal, Gorosabel (Elustondo, 74), Le Norman, Subeldiya, Silva (Lopes, 75), Merino, Barrenechea (Merkelans, 66), Subimendi, Portu (Bautista, 74), Villian Joze (Isak, 66).
“Atletiko”: Oblak, Felipe, Savich, Ermoso, Trippyer, Koke, Lyorente, Lemar (Kondogbia, 72), Karrasko (Lodi, 87), Korrea (Saul, 59), Suares (Diyego Kosta, 87).
Ogohlantirishilar: Savich (16), Ermoso (29), Le Norman (29), Saul (66), Elustondo (80), Isak (86).
“Valensiya — Sevilya” 0:1
Gol: 0:1 – 81 Suso.“Elche” — “Osasuna” 2:2
Gollar: 0:1 – 10 Ruben Garsiya, 1:1 – 46 Fidel, 1:2 – 64 Brashanats, 2:2 – 78 Karrilo.“Ueska” — “Levante” 1:1
Gollar: 1:0 – 31, penalti Ontiveros, 1:1 – 53 Melero.“Vilyarreal” — “Atletik” 1:1
Gollar: 0:1 – 19 Uilyams, 1:1 – 74 Pino.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
