Demokrit nomidagi Frakiya universitetining arxeologlari Ispaniyaning Sima-de-los-Uesos g‘orlarida qazishma ishlarini olib borib, qadimgi odamlar ekstremal sovuqqa bardosh berish uchun uyquga keta olganini aniqladi, deb xabar beradi Esquire.
Olimlar qadimgi odamlarning qoldiqlarini o‘rganib, aniqlashga muvaffaq bo‘lgan kasallik va jarohatlar biologlar tomonidan qishgi uyquga ketadigan hayvonlarda aniqlanadigan kasalliklarga mos kelishini ma’lum qilgan.
Tadqiqot mualliflarining hisoblashicha, qadimgi insonlar o‘z metabolizmini sekinlashtirib, bir necha oy uxlay olgan.
Arxeologlarning so‘zlariga ko‘ra, topilgan tosh qoldiqlar mavsumiylikka ega bo‘lib, bu har yili ushbu odamlarning suyagi bir necha oyga o‘sishdan to‘xtaganidan dalolat beradi.
“Gibernatsiya sovuq havo sabab g‘orda qolgan insonlar uchun oylab tirik qolish imkonini bergan yagona yechim edi”, — deydi tadqiqot mualliflaridan biri.
Shuningdek, qayd etilishicha, shu yerning o‘zida g‘or ayig‘ining qoldiqlari ham topilgan va undagi shikastlar odamlar qoldig‘ida aniqlanganiga mos kelgan. Olimlarning so‘zlariga ko‘ra, bu qadimgi odamlar oziq-ovqat kamligi sabab sovuqdan omon chiqish uchun xuddi ayiqlar kabi yo‘l tutganiga yana bir isbot bo‘la oladi.
Izoh (0)