Sirdaryoda quyuq tuman sabab “ZIL” yuk mashinasi yo‘lning chetida to‘xtab turgan mashinaga urilib, yo‘l-transport hodisasini sodir etdi. Bu haqda IIV YHXBB axborot xizmati xabar berdi.
Ma’lumotlarga ko‘ra, 16-dekabr kuni soat 04:30 larda Sirdaryo tumanidan kesib o‘tuvchi M-34 avtomobil yo‘lining 70-kilometri oralig‘ida Cobalt haydovchisi yo‘lning chetiga to‘xtab, avtomobil yukxonasini ochib ko‘rayotgan vaqtida shu yo‘nalishda harakatlanib kelayotgan “ZIL” yuk mashinasi havoning tuman bo‘lganligi sababli Cobalt’ga borib urilgan.
YTH oqibatida og‘ir tan jarohatini olgan Cobalt haydovchisi Sirdaryo tuman markaziy shifoxonasiga olib borilgan, biroq ko‘rsatilgan tez tibbiy yordamga qaramay, u vafot etgan.
Avvalroq Namanganda “ZIL” va Nexia ishtirokidagi YTH oqibatida 3 kishi vafot etgani to‘g‘risida xabar berilgandi.
Mavzuga doir:
- Surxondaryoda Nexia yoritilmagan yo‘lda “ZIL”ning orqasiga borib urilishi natijasida bir kishi vafot etdi
- Andijonda Damas yuk mashinasiga urilishi oqibatida voyaga yetmagan yo‘lovchi halok bo‘ldi
- Qashqadaryoda “Kamaz”ga yo‘l bermagan Damas’ning 20 yoshli haydovchisi va 18 yoshli yo‘lovchi halok bo‘ldi
Izoh (0)