Bugun,

  • USD 11014.01
  • RUB 191.8
  • EUR 10674.78

Buxoroda o‘tgan Xalq deputatlari viloyat kengashining navbatdagi sessiyasida hokim vazifasini bajaruvchi Botir Zaripovning 2020-yilda amalga oshirilgan ishlar va 2021-yildagi rejalar haqidagi hisoboti tinglandi, deya xabar berdi “Daryo” muxbiri.

Foto: “Daryo”

Foto: “Daryo”

Botir Zaripov 2020-yilning o‘tgan davrida viloyatda yo‘l qo‘yilgan kamchiliklar xususida to‘xtalar ekan, “Zamon shiddat bilan o‘zgarib, vaqtning qadri ortib boryapti. 2021-yilgi rejalarimizning ko‘lami o‘tayotgan har bir kun, soat va daqiqalardan unumli foydalanishni taqozo qiladi. Ayni talabni hisobga olib, bugun dolzarb vazifalar ijrosiga kirishganmiz. Lekin bunday maqsadlarga quruq va balandparvoz gaplar, shunchaki va’dalar bilan erishib bo‘lmaydi”, dedi.

Ta’kidlanishicha, viloyatda yalpi hududiy mahsulot hajmi 30 trillion 300 milliard so‘mga yetib, aholi jon boshiga 15 million 600 ming so‘mni tashkil qilgan. Budjetning daromad qismi belgilangan 1 trillion 736 milliard so‘m o‘rniga, 1 trillion 949 milliard so‘mni ko‘rsatishi kutilmoqda. Shuningdek, viloyat mahalliy budjet daromadlari bo‘yicha yillik belgilangan 1 trillion 508 milliard so‘mlik reja, amalda 1 trillion 678 milliard so‘mga yoki 170 milliard so‘mga ko‘p bajarilishi rejalashtirilgan.

“Bu — albatta, yutuqli jihatlar. Biroq viloyat mahalliy budjetidan 182 ta oilaviy maktabgacha ta’lim tashkiloti o‘z faoliyatini boshlashi uchun 2,7 milliard so‘m, 2019-yilgi ‘Obod qishloq’ va ‘Obod mahalla’ dasturlari asosida 6 ta 1410 o‘rinli davlat maktabgacha ta’lim tashkilotlarini jihozlash uchun 1,5 milliard so‘m mablag‘ ajratilmagan. Maktabgacha ta’lim vazirligi va tashabbuskorlar tomonidan 23 ta maktabgacha ta’lim tashkilotini tashkil etish uchun bitim imzolangan. Afsuski, imtiyozli kredit mablag‘larini ajratish muammo bo‘lib qolgan. Davlat tasarrufida bo‘lgan 54 ta maktabgacha ta’lim tashkiloti bugungi kunda ham burjuyka pechlar bilan isitilayotgani achinarli. Achchiq bo‘lsa-da, bog‘chalarning 138 tasining oshxonasi talab darajasida jihozlanmaganini ham ta’kidlash o‘rinli”, — dedi sessiya davomida viloyat rahbari.

Foto: “Daryo”

Foto: “Daryo”

Bildirilishicha, Buxorodagi 536 ta maktabning 158 tasi ta’mirtalab holatga kelib qolgan, 84 tasida sport zali mavjud emas. 114 ta maktabdagi hojatxonalarning 76 tasi qayta qurishga, 169 tasi esa ta’mirlashga muhtoj. Maktablardagi 1267 dona kompyuter texnikasi ma’nan eskirgan, 291 ta laboratoriya jihozlari bugungi kun talablariga javob bermaydi, maktablarda 26 815 dona o‘quv partalari hamda 2336 dona sinf doskalariga ehtiyoj mavjud.

“Joriy yilning 1-dekabr holatida faqatgina 19 ta maktab, 51 ta maktabgacha ta’lim maskanlarida rekonstruksiya va mukammal ta’mirlash ishlari amalga oshirilgan. Umumta’lim maktablarida zamonaviy energo-tejamkor 246 ta qozonxona o‘rnatilib, issiqlik tizimini ta’mirlash ishlariga mahalliy budjet mablag‘lari hisobidan 10 milliard so‘m mablag‘ ajratildi. 100 ga yaqin umumta’lim maktablaridagi mavjud yaroqsiz burjuyka pechlari to‘liq almashtirildi. Bundan keyin ta’lim sohasi xarajatlariga budjet daromadlarining 11 foizi ajratiladi, maktabgacha ta’lim tashkilotlarini saqlashga 88 milliard so‘m va xalq ta’limi muassasalarida qulay sharoitlar yaratish tadbirlariga 211 milliard so‘m sarflanadi”, — deya ta’kidladi viloyat rahbari Botir Zaripov.

Sessiyada ta’kidlanishicha, Buxorodagi 53 ta tibbiyot muassasasi, 24 ta irrigatsiya va melioratsiya, 115 ta avtomobil va ichki yo‘llari hamda 5 ta boshqa obyekt yangidan quriladi. Yil yakuniga qadar esa 8 ta ijtimoiy soha obyektida rekonstruksiya va mukammal ta’mirlash ishlari to‘liq bajariladi. Aytilishicha, mazkur ijtimoiy soha muassasalarida qurilish-ta’mirlash ishlarini amalga oshirish uchun 35 milliard so‘m sarflanadi.

Foto: “Daryo”

Foto: “Daryo”

Buxoro hokimi viloyatda ichki yo‘llarni ta’mirlash va tartibga keltirish, kanalizatsiya tizimlarini to‘liq yangilash, mavjud madaniyat va istirohat bog‘lariga zamonaviy qiyofa berish, ishsizlikning oldini olish maqsadida viloyatda zavodlar faoliyatini yo‘lga qo‘yish, sanoat zonalarini yaratish, turizmni yanada rivojlantirish, qishloq xo‘jaligi sohasida ishlab chiqarishni mukammallashtirish kabi iqtisodiy masalalar xususida ham fikr-mulohazalarini bildirgan.

Izoh
Asosiy yangiliklar
Mahalliy
O‘zbekistonda dam olish kunlari qanday ob-havo bo‘ladi?
Dunyo
“Rossiyani fojiadan, rus armiyasini bo‘lsa xo‘rlikdan qutqarish imkoningiz haliyam bor”. Ukraina Mudofaa vaziri rus harbiylarini zudlik bilan jangdan bosh tortishg...
Mahalliy
“Xodimlar o‘zboshimchalik bilan qoidalarni buzgan” — Qashqadaryoda elektromontyor tok urishidan vafot etgani yuzasidan rasmiy ma’lumot berildi