Braziliyadagi ayrim tropik o‘rmonlar yutganidan ko‘ra ko‘proq karbonat angidrid gazini ajratishni boshladi. Bu haqda Science Advances ilmiy jurnalida e’lon qilingan tadqiqot natijasida so‘z boradi.
Tadqiqot ishtirokchilari Amazoniya tashqarisidagi hamda Braziliya janubi-sharqidagi tropik o‘rmonlarning 32 uchastkasida yutilayotgan va chiqayotgan karbonat angidrid gazining 1987—2020-yillarga oid ma’lumotlarini tahlil qilib ko‘rgan.
Olimlar bir yil davomida karbonat angidridning yutilish hajmi 2,6 foizga qisqarganini, gazning ajralishi esa yiliga 3,4 foizga oshganini aniqladi. “Uglerod so‘rilishi hajmining eng jiddiy kamayishi o‘rmonning quruq va issiq hududlarida aniqlangan bo‘lib, hozirda u yerlar uglerod yutuvchi emas, balki ajratuvchiga aylangan”, — deydi tadqiqotchilar.
Olimlarning ma’lumotlariga ko‘ra, karbonat angidrid gazining ajralish hajmi 2013-yilda yutilishdan ko‘proqni tashkil etgan. Bunga o‘rmonlarning kesilishi, yog‘ingarchilikning kamaygani, jazirama va qurg‘oqchilik ortgani sabab qilib ko‘rsatilmoqda.
Mavzuga doir:
Izoh (0)