Andijon viloyatining Baliqchi tumanida 16-dekabr kuni baxtsiz hodisa tufayli ikki kishi halok bo‘ldi. Bu haqda “Postda” gazetasi xabar berdi.
Ma’lum qilinishicha, Baliqchi tumanida yashagan 18 yoshli Z.K. o‘z joniga qasd qilib, uyi oldidan oqib o‘tuvchi Qoradaryo kanaliga o‘zini tashlagan vaqtda buni 65 yoshli bobosi ko‘rib qolgan.
“Bobo nevarasini qutqarish uchun suvga tushgan. Lekin oqim kuchliligi va suvning sovuqligi vaziyatni yanada og‘irlashtirgan. Nevaraga qo‘shilib, bobo ham cho‘kib ketgan”, — deyiladi xabarda.
Jasadlarni suvdan qidirib topish choralari ko‘rilgan. Hozirda prokuratura tomonidan surishtiruv ishlari olib borilmoqda.
Avvalroq Nukusda taqiqlangan joyda cho‘milib, suvda cho‘kayotgan bola qutqarilgani, bola bilan birga cho‘milgan mast erkak oqib ketgani to‘g‘risida xabar berilgandi.
Izoh (0)