Toshkentda 20-yanvargacha ayrim ko‘chalar avtomobillar uchun yopiladi

Yangi yil tantanalari munosabati bilan Toshkent shahri markazida bayram tadbirlar o‘tkazilishi rejalashtirilgan. Shu sabab shaharning ayrim ko‘chalari avtomobil harakati uchun yopiladi, deya xabar qilmoqda Toshkent shahar hokimligi matbuot xizmati.

Qayd etilishicha, quyidagi ko‘chalarda 2020-yilning 20-dekabr kuni soat 06:00 dan 2021-yil 15-yanvar soat 00:00 gacha avtotransport vositalarining harakati cheklanadi:

• Buyuk Turon ko‘chasining A.Navoiy va Matbuotchilar ko‘chalari oralig‘idagi qismi;

• Zarafshon ko‘chasining A.Navoiy va Matbuotchilar ko‘chalari oralig‘idagi qismi;

• Istiqlol ko‘chasining Buyuk Turon ko‘chasi va Amir Temur shohko‘chasi oralig‘idagi qismi;

• Mustaqillik shohko‘chasining Zarafshon ko‘chasi va Amir Temur xiyoboni oralig‘idagi qismi.

Avvalroq Toshkentda Farg‘ona yo‘li ko‘chasining bir qismi 31-dekabrgacha yopilishi haqida xabar berilgandi.