Koronavirusga qarshi emlash boshlangan 4 ta davlatda 1 milliondan ortiq odam vaksina qabul qildi
Koronavirusga qarshi emlash kampaniyasi dunyoning to‘rtta davlatida davom etmoqda va ayni paytgacha sayyoraning bir milliondan ortiq aholisi koronavirusga qarshi vaksinani qabul qildi. Bu haqda Bloomberg agentligiga tayanib, “Korrespondent.net” xabar berdi.
Ma’lum qilinishicha, 1,1 milliondan ortiq odam koronavirusga qarshi vaksina bilan emlandi — bular Buyuk Britaniya, AQSh, Xitoy va Rossiya aholisi. Eng ko‘p odam Xitoyda emlangan — 28-noyabr holatiga ko‘ra, 650 ming kishi emlash olgan.
Buyuk Britaniyada 15-dekabr holatiga ko‘ra, koronavirusga qarshi 137,8 ming kishi vaksinatsiya qilingan, Rossiyada esa emlanganlar soni 320 ming kishini tashkil etgan. Emlash 14-dekabrda boshlangan AQShda 17-dekabr holatiga ko‘ra, qariyb 50 ming kishi vaksinaning birinchi dozasini qabul qilgan.
