Futbol bo‘yicha Angliya Premyer Ligasining 13-turida “Liverpul” 19-dekabr, shanba kuni “Kristal Pelas” mehmoni bo‘ldi.
Uchrashuvning 3-daqiqasidayoq Takumi Minamino mehmonlarni oldinga olib chiqdi. 35-daqiqada Sadio Mane jamoasining kombinatsiyasini muvaffaqiyatli yakunladi. Birinchi bo‘lim yakunlanishi arafasida Roberto Firmino hisobni yirik ko‘rinishga olib keldi.
Ikkinchi bo‘limda mersisaydlar yana to‘rtta to‘p kiritishga muvaffaq bo‘ldi. Jordan Henderson va Firmino bir martadan raqib darvozasini ishg‘ol qilgan bo‘lsa, zaxiradan maydonga tushgan Muhammad Saloh dublga erishdi.
Shu tariqa Yurgen Klopp jamoasining ochkolari 31 taga yetdi va “qizillar” peshqadamlikda davom etmoqda. “Kristal Pelas” (18) esa 12-pog‘onada qoldi.
APL
14-tur bahsi
19-dekabr, shanba
“Kristal Pelas” — “Liverpul” 0:7
Gollar: 0:1 – 3 Minamino, 0:2 – 35 Mane, 0:3 – 44 Firmino, 0:4 – 52 Henderson, 0:5 – 68 Firmino, 0:6 – 81 Saloh, 0:7 – 84 Saloh.“Kristal Pelas”: Guaita, van Anxolt, Klayn, Keyxill, Shlupp, Milivoyevich, Kuyate (Tomkins, 63), Makartur (Ridevald, 75), Eze (Batshuayi, 69), Zaha, Ayyu.
“Liverpul”: Alisson, Robertson, Matip, Aleksander-Arnold, Fabinyo, Henderson, Keyta, Minamino, Veynaldum (Jons, 69), Mane (Saloh, 57), Firmino (Oksleyd-Chemberlen, 75).
Ogohlantirish: Klayn (45).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)