Xitoyda 15-dekabr kuni bazaviy Huawei Mate 40 modelining dastlabki savdolari boshlandi. Ushbu smartfonni xarid qilishni istaganlar shu qadar ko‘pligidan, savdolar bir daqiqadan sal ko‘proq davom etdi, deb xabar beradi IXBT.
Bunga qadar Mate 40’ni hech bo‘lmasa Xitoydan xarid qilish mumkin, degan umid bor edi. Faktlarga ko‘ra, Mate 40 Pro’ni xarid qilish biroz haqiqatga yaqin — Mate 40 Pro+ modelini esa savdoda umuman uchratmaslik mumkin (model bekor qilingani to‘g‘risida mish-mishlar tarqalgan edi, biroq Huawei buni rad etgan). Mate 40 RS Porsche Design savdolari bo‘lsa lotereyaga aylantirib yuborilgan. Endilikda esa Mate 40 modeli Mate 40 Pro’ning taqdirini takrorladi, smartfonlar seriyasini umumiy xarid qilish borasidagi vaziyatni ijobiy tomonga o‘zgartirmagan.
Mate 40’ning haqiqiy savdolari (oldindan buyurtmalar asosida yetkazib berish) 21-dekabrdan boshlanishi kerak. “Ehtimol, u vaqtga borib smartfonlar zaxirasi yaxshilanib qolar”, — deyiladi xabarda.
Avvalroq Xitoyda o‘tkazilgan anjumanda Huawei vitse-prezidenti va Huawei China Cloud and Computing prezidenti Shi Yaoxun kompaniyada smartfonlarning ishlab chiqarish tezligi to‘g‘risida ma’lumot bergandi. Uning so‘zlariga ko‘ra, bitta smartfonni yig‘ish uchun hozirda 27 soniya sarflanmoqda.
Izoh (0)