O‘zbekiston milliy terma jamoasi va Xitoyning “Tyanszin Teda” klubi yarim himoyachisi Odil Ahmedov “SKA-Xabarovsk” bosh murabbiyi Sergey Yuranning “Spartak” yarim himoyachisi Oston O‘runov haqidagi gaplariga munosabat bildirdi.
Men Oston O‘runovni uzoq vaqtdan beri bilaman. Uning otasi va akasi ham baquvvat va kuchli odamlar, bu gen bilan bog‘liq. Shuning uchun odamni yaxshi tanimasdan turib, u haqida butun mamlakatga gapirish Yuran kabi insonga yarashmaydi.Avvalroq Yuran o‘zbekistonlik futbolchi ko‘rsatilganidan 4-5 yoshga kattaligini aytgandi.Odil Ahmedov, futbolchi
19-dekabrda 20 yoshga to‘ladigan O‘runov 2019/20-yilgi mavsumning ikkinchi yarmida “Ufa” safida RPLda 10 o‘yin o‘tkazgan. Yozgi transfer oynasida 19 yoshli futbolchi Moskvaning “Spartak” jamoasiga o‘tgandi.
Oston Rossiya chempionati 2020/21-yilgi mavsumida 8 ta o‘yinda maydonga tushdi (bir marta asosiy tarkibda) va birorta ham samarali harakat amalga oshira olmadi.
Izoh (0)