Turkiyaning Istanbul shahrida 31 yoshli o‘zbekistonlik Burhonjon Ochilov tilanchilik bilan shug‘ullanuvchi turk fuqarosi tomonidan pichoqlab o‘ldirildi. Bu haqda “Effect.uz” sayti xabar berdi.
Ma’lum qilinishicha, hodisa 8-dekabr kuni soat 18:00 larda Maltepa tumanida sodir bo‘lgan. Bir necha bor sudlangan, qamoqdan garov evaziga ozodlikka chiqqan va tilanchilik bilan shug‘ullanib kelayotgan 27 yoshli Bedir G. ismli turk fuqarosi kechqurun do‘konga kelib, o‘zi uchun narsa sotib olmoqchi bo‘ladi.
Do‘konga kelgan Bedir G. bilan do‘kon dileriga kuryerlik qilgan Burhonjon Ochilov o‘rtasida nizo kelib chiqqan. Guvohlarning so‘zlariga ko‘ra, Ochilov Bedir G.ga “Nega ishlamayapsiz, men hatto boshqa bir joydan kelganman, ishlayapman”, deb tanbeh bergan. Mojaro avj olib, o‘zbekistonlikning pichoqlanishi bilan yakun topgan.
Qayd etilishicha, voqea joyidan qochib ketgan Bedir G. politsiya tomonidan ushlanib, hibsga olingan. Uning 24 yil muddatga ozodlikdan mahrum etilgani xabar qilinmoqda.
Marhumning jasadi yaqinlari tomonidan O‘zbekistonga yuborilgan.
Mavzuga doir: Xorijda ishlayotgan o‘zbekistonliklarning eng ko‘p qismini qaysi viloyat aholisi tashkil etishi ma’lum qilindi
Voqea yuz bergan ilk daqiqalardanoq Shirin Unal va uning oilasi Nodira Qodirova o‘z joniga qasd qilganini ta’kidlab kelmoqda. Bu orada u marhumni psixlogik jihatdan nosog‘lomga, shuningdek, tarbiyasi buzuqqa chiqarishga urindi. Qodirovaning oila a’zolari, jumladan, voqea yuz bergan vaqtda Anqarada bo‘lgan akasi Muhammadali Qodirov esa singlisi o‘z joniga qasd qilmagani, balki o‘ldirilganini aytmoqda. Tergov xulosalarida qayd etilishicha, Qodirovaning o‘limida ishlatilgan Baretta rusumidagi qurolda barmoq izlari aniqlanmagan.
Izoh (0)