Rossiyalik xakerlar AQSh moliya vazirligi hamda Telekommunikatsiya va axborot milliy boshqarmasi (NTIA) — AQSh savdo vazirligi bo‘linmasi tizimlariga buzib kirdi. Bu haqda Reuters va The Washington Post manbalari xabar berdi, deb yozadi Meduza.
Hujum ortida Cozy Bear (APT29 sifatida ham ma’lum) guruhi turibdi, uni Rossiya maxsus xizmatlari bilan bog‘lashadi. The Washington Post hamsuhbatlari aytib berishicha, xakerlar idora xodimlarining elektron pochtalariga kirgan. Bu 2020-yil bahorida bo‘lib o‘tgani taxmin qilinmoqda.
Kiberhujum, ehtimol, shu jumladan AQSh hukumatiga ham xizmat ko‘rsatadigan SolarWinds IT-kompaniyasi yangilanmalari orqali yuz bergan. SolarWinds uning 2020-yil martidan iyunigacha chiqarilgan yangilanmalaridan “milliy davlat” o‘z maqsadlarida foydalangan bo‘lishi mumkinlgini tasdiqladi.
The New York Times ushbu xakerlik hujumini so‘nggi besh yilda AQSh hukumati tizimlariga qilingan eng yirik hujumlardan biri deb atadi.
Rossiyaning AQShdagi elchixonasiga maqolaga javoban, “Rossiya virtual makonda ‘hujumkor’ operatsiyalarni o‘tkazmasligi”ni ma’lum qildi.
CozyBear yoki APT29 — AQSh ma’lumotlariga ko‘ra, Rossiya Federal xavfsizlik xizmatiga aloqador xakerlik guruhi. Cozy Bear yana bir Fancy Bear (u Rossiya bosh razvedka boshqarmasi bilan bog‘lanadi) guruhi bilan birgalikda avvalroq Demokratik partiya rahbariyati, Hillari Klinton shtabining boshlig‘i Jon Podesta va boshqa siyosatchilarning yozishmalarini qo‘lga kiritganlikda ayblangan edi.
Mavzuga doir:
- Niderlandiyalik xaker Trampning parolini besh urinishda topib, uning Twitter’iga kirdi
- Dunyoning eng xavfli xakeri. Yadro urushini boshlashi mumkin bo‘lgan Kevin Mitnik haqida
- Buyuk Britaniya, AQSh va Kanada rossiyalik xakerlarni COVID-19 vaksinasi haqidagi ma’lumotlarni o‘g‘irlashga uringanlikda aybladi
- Microsoft bosh razvedka boshqarmasining xakerlarini COVID-19’ga qarshi vaksinalar bo‘yicha tadqiqotchilarga hujum uyushtirganlikda aybladi
Izoh (0)