Futbol bo‘yicha Germaniya chempionatining 11-turida “Bavariya” 12-dekabr, shanba kuni “Union” maydonida mehmon bo‘ldi.
Uchrashuvning 4-daqiqasidayoq maydon egalari hisobda oldinga o‘tib oldi: burchakdan uzatilgan to‘pni Grisha Premel boshi bilan darvozaga joylab qo‘ydi. Tanaffusga qadar myunxenliklarda bir qator qulay imkoniyatlar yuzaga keldi. Biroq birinchi bo‘limda boshqa gol bo‘lmadi.
Ikkinchi bo‘lim kutilganidek mehmonlarning faolligida boshlandi. 67-daqiqada Robert Levandovski o‘zining aniq zarbasi bilan muvozanatni tikladi. Mazkur hisob uchrashuv yakuniga qadar saqlanib qoldi.
“Bavariya” ochkolarini 24 taga yetkazib oldi va “Leypsig”ni (24) to‘plar nisbatiga ko‘ra ortda qoldirib, peshqadamlikka qaytdi. “Union” 17 ochko bilan 6-pog‘onada bormoqda.
Bundesliga
11-tur bahsi
12-dekabr, shanba
“Union Berlin” — “Bavariya” 1:1
Gollar: 1:0 – 4 Premel, 1:1 – 67 Levandovski.“Union Berlin”: Lyute, Trimmel, Knoxe, Fridrix, Lens, Grisbek (Ryuerson, 71), Premel, Bekker, Ingvartsen (Toyhert, 36), Avoniyi (Gentner, 90), Byulter (Endo, 71).
“Bavariya”: Noyer, Pavar, Boateng, Alaba, Devis, Goretska (Tolisso, 76), Musiala (Sane, 63), Myuller, Levandovski, Gnabri (Shupo-Moting, 88), Koman.
Ogohlantirishlar: Devis (30), Gnabri (37), Knoxe (45), Premel (72), Bekker (78).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)