Bugun,

  • USD 11095.31
  • RUB 173.84
  • EUR 10772.44

“Yuksalish” umummilliy harakati raisi, quyi palata deputati Bobur Bekmurodov O‘zbekiston qishloq xo‘jaligi mahsulotlari importiga Rossiya tomonidan qo‘yilgan taqiqlar yuzasidan munosabat bildirdi.

Foto: “Daryo”

Foto: “Daryo”

“‘Rosselxoznadzor’ tomonidan virus aniqlanganligi vaji bilan Farg‘ona, Navoiy va Qashqadaryo viloyatlarida yetishtirilgan qishloq xo‘jaligi mahsulotlariga import taqiqining qo‘yilishi respublika eksport hajmlariga jiddiy ta’sir o‘tkazmaydi”, — deya ta’kidladi deputat.

Deputat, shuningdek, hozirda dunyodagi geosiyosiy va geoiqtisodiy jarayonlar o‘zgaruvchan xarakterga egaligini qayd etdi.

“Bunday harakatlar tashqi bozorlarimizni diversifikatsiyalashga jiddiy e’tibor qaratish va Jahon savdo tashkilotiga a’zolikni tezlashtirish lozimligini yana bir bor eslatmoqda”, — dedi Bekmurodov.

Eslatib o‘tamiz, “Rosselxoznadzor” 26-noyabr kuni Farg‘ona viloyati, 4-dekabr kuni Navoiy viloyatidan Rossiyaga olib kelinadigan pomidor va qalampirlarda ham shunday virus aniqlangani sababli taqiq qo‘ydi. Keyinchalik quritilgan o‘rik partiyasida xavfli zararkunanda — kapr qo‘ng‘izi aniqlangani sababli O‘zbekistonning Farg‘ona viloyatidan barcha o‘simlik mahsulotlarini olib kirishga taqiq joriy etdi. 11-dekabrdan boshlab esa Qashqadaryodan pomidor va qalampir olib kirishga taqiq qo‘ydi.

Bundan tashqari, 8—9-dekabr kunlari “Rosselxoznadzor” boshqa mamlakatlardan bir qator mahsulotlarni olib kirish taqiqlanganligini e’lon qildi. Xususan, 10-dekabrdan Ozarbayjonda yetishtirilgan pomidor va olmalarning Rossiyaga olib kirilishini taqiqladi. Bunga ushbu mahsulotlarda zararkunandalar topilgani sabab bo‘ldi.

14-dekabrdan boshlab Armanistonning Armavir viloyatida yetishtirilgan pomidor va qalampirlarning Rossiya hududiga olib kirilishini taqiqlab qo‘ydi. Ushbu qaror Armavir viloyatida yetishtiriladigan sabzavotlarda pepino mozaikasi virusi aniqlangani sabab qabul qilingan. Fitosanitariya nazorati virusni oktabr oyida aniqlagan.

Izoh
Asosiy yangiliklar
Dunyo
Foto: Zarbalardan keyin chiroqsiz qolgan Ukrainaning koinotdan ko‘rinishi
Mahalliy
Andijonda Isuzu va yuk mashinasi to‘qnashishi oqibatida 41 kishi jarohatlandi, 3 nafari voqea joyida halok bo‘lgan
Dunyo
Sena daryosi bo‘ylab sayr: turli-tuman qiyofalar va mashhur tarixiy obidalar — suratlarda