O‘z qo‘lingiz bilan tayyorlagan ushbu guldasta yaqin va qadrli insonlaringiz kayfiyatini ko‘tarishi aniq. Uzum shingili ko‘rinishidagi ushbu guldastaning ko‘rinishi kishini quvontiradi, tillarang qog‘oz ichidagi shokoladlar mazali bo‘lsa yana yaxshi.
- 40 dona oval shaklidagi shokolad;
- tillarang zar qog‘oz;
- ingichka sim;
- tillarang akril bo‘yoq;
- ip;
- tasma;
- izolyatsion lenta;
- sun’iy uzum yaproqlari.
Shokoladlarni tillarang qog‘ozga o‘rang va qog‘ozni birlashtirgan tarafi ustidan ip bilan mustahkamlang.
Ulardan birining zarini diametri 1,2 mm simga suratdagidek mahkamlang.
Qolgan shokoladlarni diametri 0,7 mm bo‘lgan ingichka simga 3-4 donadan birlashtirib chiqing.
1,2 mm simga birlashtirilgan shokolad atrofiga boshqa kichik simli shokoladlarni birlashtirib chiqing. Simlarni burab qo‘shib chiqqaningizdan keyin ustidan zarli qog‘oz aylantirib chiqing.
Simni buking va tasma bilan aylantirib chiqing.
Sun’iy uzum yaproqlarini simga kirgizing.
Guldasta ko‘rinishi uzum shingilini esga solishi kerak.
Izoh (0)