“Krab” tayoqchalaridan “rafaello” yeguligini tayyorlab ko‘ring

“Rafaello” shirinligining ko‘rinishi hamda mazasi ko‘pchilikka ma’lum. Ammo ushbu retsept asosida tayyorlangan “rafaello” butunlay yangicha ta’mni hosil qiladi.

Kerakli mahsulotlar:

• Tuxum − 3-4 dona;
• Pishloq − 150 gramm;
• Sarimsoq − 3-4 bo‘lak;
• Krab tayoqchalari − 200 gramm;
• Mayonez, tuz va ziravorlar.

1. Qaynatilgan tuxum va pishloq qirg‘ichdan o‘tkaziladi. Sarimsoq maydalanadi.
2. Tuxum, pishloq, sarimsoq, mayonez, tuz va ziravorlar aralashtiriladi. Aralashmadan dumaloq sharchalar hosil qilinadi.
3. “Krab” tayoqchalari qirg‘ichdan o‘tkaziladi va unga tayyorlab qo‘yilgan sharchalar botirib olinadi.
4. “Rafaello”lar yarim soatga muzlatkichga qo‘yiladi va didga ko‘ra bezatilib, dasturxonga tortiladi. Yoqimli ishtaha!