Namangan viloyatida Konstitutsiya qabul qilingan sana munosabati bilan 3 mingga yaqin xonadonga oziq-ovqat mahsulotlari tarqatildi. Bu haqda “Daryo” muxbiri Azizbek Abduvaliyev xabar bermoqda.
Shahar-tumanlarda jonliq so‘yilib, go‘sht, guruch, o‘simlik yog‘i, sabzi-piyoz, shakar, choy va boshqa mahsulotlardan iborat to‘plam tayyorlangan. Har bir hududda 200-300 ta xonadon yo‘qlangan.
Mutasaddilarga ko‘ra, oziq-ovqat mahsulotlari, asosan, temir daftarga kiritilgan oilalarga tarqatilgan. Ular bayram bilan tabriklanib, hol-ahvol so‘ralgan, muammo va tashvishlari bilan qiziqilgan.
Viloyatda keksalar, faxriylar, nogironlar, kam ta’minlangan va ijtimoiy himoyaga muhtoj oilalardan xabar olish ishlari davom etmoqda.
Izoh (0)