“Manchester Yunayted” yarim himoyachisi Pol Pogbaning agenti Mino Rayola mijozining mankunianlar safidagi kelajagi haqida gapirdi.
Shuni ayta olaman: Pogba va “Manchester Yunayted” o‘rtasidagi munosabatda hammasi tamom bo‘ldi.Pogba 2016-yilning yozida “Yuventus”dan qaytib kelgan va shundan beri “Manchester Yunayted” safida harakat qiladi. 2020/21-yilgi mavsum u Premyer Ligada 8 o‘yin o‘tkazib, bitta gol urdi.Pol “Manchester Yunayted”dagi holatidan norozi, shu sabab Pogba u yerda o‘zi xohlaganidek va undan kutishayotgandek o‘yin namoyish qila olmaydi. Polga yangi jamoa kerak, toza havo lozim. Uning amaldagi shartnomasi yana 18 oy amal qiladi, kelishuv 2022-yilning yozida o‘z yakuniga yetadi.
O‘ylashimcha, transferni keyingi transfer oynasida amalga oshirish Pogba va “Manchester Yunayted” uchun eng to‘g‘ri qaror bo‘ladi. Agar bu ro‘y bermasa klub uni tekinga qo‘yib yuborishga majbur bo‘lishini biladi. Chunki Pogba shartnomani uzaytirmoqchi emas.
Nima bo‘lgan taqdirda ham Pol ketadigan bo‘lsa, ular baribir hammasiga meni aybdor qiladi.
Mino Rayola, futbol agenti
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)