Lavash xamiri va tovuq go‘shti yordamida nihoyatda sodda uslubda mazali “mini rulet”lar tayyorlaymiz. Mazasi og‘izda qolishiga shubha yo‘q.
Kerakli mahsulotlar:
- Lavash xamiri − 2 dona;
- Tovuq filesi − 350 gramm;
- Piyoz − 2 dona;
- Bulg‘or qalampiri − 1 dona;
- Tuxum − 1 dona sarig‘i;
- Mayonez − 4 osh qoshiq;
- Kunju, o‘simlik yog‘i va tuz.
Piyoz tozalanib, mayda to‘g‘raladi.
Tovuq go‘shti biroz uzunchoq bo‘laklarga bo‘linadi.
Tovada qizitilgan yog‘da avval piyoz qovuriladi. Ustidan tovuq go‘shti solinadi. Tuz, ziravorlar va 2 osh qoshiq mayonez qo‘shiladi. Bir necha daqiqaga dimlanib, so‘ng olov o‘chiriladi.
“Nachinka” tezroq sovishi uchun idishga solinadi. Ustidan bulg‘or qalampiri to‘rtburchak shaklda to‘g‘ralib, aralashtiriladi. Lavash xamiri bo‘laklarga bo‘linib, yuzasiga mayonez suriladi. Ustidan “nachinka” solinib, rulet shaklida o‘raladi.
Ruletlar ustiga tuxum sarig‘i surilib, kunjut urug‘lari sepiladi. Tayyor bo‘lgan ruletlar 5-10 daqiqaga pechga qo‘yiladi.
“Mini rulet”lar issiqligicha dasturxonga tortiladi. Yoqimli ishtaha!
Izoh (0)