Izzatbek Jo‘rayev Toshkent shahar hokimining turizm va sportni rivojlantirish masalalari bo‘yicha maslahatchisi lavozimiga tayinlandi. Bu haqda poytaxt hokimligi matbuot xizmati xabar bermoqda.
U Xalq deputatlari Toshkent shahar kengashining 28-sessiyasida ushbu lavozimga tasdiqlandi.
Tayinlovga qadar Izzatbek Jo‘rayev Toshkent turizmni rivojlantirish boshqarmasi direktorining birinchi o‘rinbosari bo‘lib ishlagan.
Hokimning turizm va sportni rivojlantirish bo‘yicha maslahatchisi lavozimi Prezidentning 2020-yil 19-iyundagi farmoniga binoan kiritilgan. Xuddi shunday lavozimlar Turizmni rivojlantirish davlat qo‘mitasining tegishli hududiy bo‘linmalarida bitta shtat birligi qisqarilishi hisobiga Andijon, Jizzax, Qashqadaryo, Namangan, Navoiy, Sirdaryo, Surxondaryo va Farg‘ona viloyatlarida paydo bo‘ldi.
Bundan tashqari, Toshkent, Samarqand, Buxoro va Xorazm viloyatlarida turizmni rivojlantirish masalalari bo‘yicha o‘rinbosari o‘rniga tegishli ravishda hokimning turizm va sportni rivojlantirish masalalari bo‘yicha o‘rinbosari lavozimi joriy etildi.
Toshkent tumani hokimi o‘rinbosari To‘ra Bobolovga birinchi o‘rinbosar etib tayinlangani, Qurilish vaziri o‘rinbosari Jarqo‘rg‘on tumaniga hokim bo‘lgani, Surxondaryo hokimining sobiq o‘rinbosari Sherobodga hokim etib tayinlangani xabar berilgandi.
Izoh (0)