Mehnat, izlanish va intilish efaziga topilgan mablag‘ doim qadrli. Uni oqilona va ishonchli boshqarish esa, san’atdir. Farovon turmush uchun esa, ko‘proq ishlash kerak, degan qarash ongimizga singib ketgan. Aslida ham shundaymikin? Bizningcha, ko‘p ishlash bilan hammasiga erishish doim ham mumkin emas. Chunki “mablag‘ni sarflash qobiliyati uni jamg‘arishdan ko‘ra, kamroq ahamiyatga ega”, degan qarash o‘zini hech qachon oqlagan emas.
ATB “Qishloq qurilish bank”ning yangi “QUANT” mobil ilovasi aynan mablag‘ni boshqarishda tejamkorlik asosiga yaratilgan.
Ilova imkoniyatlaridan foydalanib, eng avvalo vaqtdan yutiladi. Ya’ni turli to‘lovlarni dunyoning istalgan joyidan turib amalga oshirish mumkin. Kassa yonida soatlab navbat kutish endi yo‘q. Barcha kommunal xizmatlar bo‘yicha holatni va kartalar holatini, operatsiyalar tarixini nazorat qilish, xatto internetni faollashtirmasdan foydalanish kabi qulayliklarni o‘zida jamlagan yangi ilova haqida, yaxshisi, bir boshdan hikoya qilamiz.
Mobil ilova PRO hamda Lite versiyasiga ega. Demak undan qulay foydalanish imkoniyati barcha uchun birdek yaratilgan. Bosh sahifa, to‘lovlar, o‘tkazmalar, xizmatlar va sozlamalar bo‘limlaridan tarkib topgan ilovani yuklab olgan mijoz bir vaqtning o‘zida quyidagi imkoniyatlarga ega bo‘ladi.
Bosh sahifada Onlayn bank xizmatlari bilan tanishish, kartalarni qo‘shish, shuningdek kartalarning umumiy hamda alohida balanslari haqidagi ma’lumotlarni olish mumkin.
To‘lovlar bo‘limida 500 dan ortiq xizmatlar uchun to‘lovlarni amalga oshirish imkoniyati mavjud. Xususan, mobil aloqa, kommunal xizmatlar, televideniye, internet provayderlar, davlat xizmatlari, telefon va xatto xayriya maqsadlari ham hamrab olingan. Asosiysi, barcha to‘lovlar bo‘yicha holat haqida ham bilish mumkin. Dam olish kunlari yoki ishdan ruhsat so‘rab, turli kommunal xizmatlari bilan bog‘liq to‘lovlar g‘olatini bilish yoki amalga oshirish uchun ketadigan vaqt hamda asabbuzilishlar, navbat kutish endi mijozlarimiz uchun tamomila begona.
O‘tkazmalar bo‘limda esa, ATB “Qishloq qurilish bank” va boshqa tijorat banklari tomonidan emissiya qilingan plastik kartalarga pul o‘tkazmalari P2P amaliyotlarini amalga oshirish mumkin.
Tan olamiz, bunday ilovalarni bir qator banklar taklif etmoqda. Demak kun sayin rivojlanish hisobiga raqobat keskinlashmoqda. Xizmat yoki tovar bozorda o‘z o‘rniga ega bo‘lishi uchun ana shu raqobatga dosh bera olishi uning keyinchalik qay darajada rivojlanishini, sodda qilib aytganda taqdirini belgilaydi.
Biz bu borada mas’uliyatni to‘la anglagan holda izlanish olib bordik va bu besamar ketmaganiga ishonamiz. Zero “QUANT” mobil ilovasi o‘zining raqobatchilaridan farqli ravishda NFC texnologiyasi asosida “Humo Pay” kontaktsiz to‘lovlar va pul o‘tkazmalarini amalga oshirish imkoniyatini beradi. Bu degani, endilikda “QUANT” mobil ilovasi bilan savdo shahobchalari, xizmat ko‘rsatish, umuman Humo terminallari mavjud bo‘lgan barcha nuqtalarda faqat telefon yordamida to‘lovlarni amalga oshirish mumkin. Bundan tashqari, yana bir yangilik shuki, mobil ilovaga biriktirilgan Humo kartadagi mablag‘ni NFC texnologiyasi orqali boshqa Humo kartasiga o‘tkazish mumkin. Buning uchun maxsus yuklamaga buyruq berib, smartfonlarni bir-biriga yaqinlashtirish kifoya. Eng asosiysi, kartani yoningizda olib yurishga umuman hojat yo‘q.
Bu ham hammasi emas. Ilovaning bank xizmatlari bo‘limi orqali kartalarni boshqarish, hisoblar to‘g‘risida ma’lumot va monitoring, konversiya, omonat shuningdek kredit amaliyotlari bilan bog‘liq yumushlaringiz ham yechim topadi.
Demak, vaqt qadriga yetuvchilar uchun aynan kutilgan ilova shu tariqa ishlatiladi. Endi esa, asosiysi, naqd qadriga yetuvchilar uchun ham bir yangilik.
Ilovaning mustahkam himoya tizimi, pullarni “o‘g‘rilatish” bilan bog‘liq har qanday hadikni ishonch bilan yengib o‘tishga imkon beradi.
Bir so‘z bilan aytganda, QUANT mobil ilovasi mijozlarning masofadan turib bank xizmatlaridan tezkor va sifatli foydalanish istagiga to‘la mos keladi.
Aytgancha, ilovani PlayMarket va AppStore orqali yuklab olish mumkin. Buning uchun hoziroq ajratadigan sanoqli soniyalaringiz kelajakda soatlab vaqtingiz tejalishiga zamin yaratadi. Zero biz ishonamiz, QUANT bilan bank yo‘lingizda emas, qo‘lingizda bo‘ladi.
Murojaat uchun:
Telefonlar: (+99878) 150-72-58, 150-93-39
Veb-sayt: www.qqb.uz
Telegram: @QQBANK
Facebook:fb.com/official.qqb.uz
Bank axborot xizmati
Izoh (0)