Avstriyada koronavirusni aniqlash bo‘yicha aholini ommaviy testdan o‘tkazish boshlandi. Bu haqda “Korrespondent.net” xabar berdi.
Test o‘tkazish Vena, Tirol, Forarlbe federal yerlaridan boshlangan. Bunda mahalliy OAV Venadagi test olish markazlarida navbatlar yuzaga kelgani haqida xabar bermoqda.
Mamlakat rasmiylari virusning simptomsiz tashuvchilarini aniqlash hamda Yangi yil va Rojdestvo bayramlarida kasallanish zanjirini uzish uchun avstriyaliklarni COVID-19’ga tekshirishga qaror qilgan.
Odamlar bepul va ixtiyoriy ravishda tekshiruvdan o‘tkazilmoqda. Dastlab antigen ekspress-test o‘tkaziladi, unda virus aniqlansa, ishonchliroq PZR testi o‘tkaziladi. Test javobi ijobiy chiqqanlar o‘zini karantinga olishi kerak bo‘ladi.
Eslatib o‘tamiz, Avstriyada 17-noyabrdan to‘liq karantin joriy qilingan.
Izoh (0)