Ayollar garderobidan hamisha asosiy liboslar topiladi. Ular har qanday vaziyatda, masalan, teatr yoki uchrashuvga to‘satdan borish kerak bo‘lgan vaqtda yordam beradi. Ya’ni ularni har qanday holatda ham kiyish mumkin va turli xil uslubga ham mos keladi.
Oq kofta
Oq kofta – klassik uslub bo‘lib, uni har qanday kiyim bilan moslashtirish mumkin. Masalan, keng shim, charm yubka va boshqalar. Ko‘pgina yulduzlar – Viktoriya Bekhem undan mohirona foydalanadi. Oq kofta tanlashda ko‘proq bezak va cho‘ntaklarsiz bo‘lishiga ahamiyat berish kerak. Bu uslubdagi koftalar och va to‘q rangdagi liboslar bilan ajoyib kombinatsiyani hosil qiladi.
Sviter
O‘tgan asrning 70-yillarida moda olamiga kirib kelgan sviterlar o‘sha vaqtdan beri urfdan qolmadi. Uni turli xil rangdagi yubkalar bilan uyg‘unlashtirib, ajoyib ko‘ylaklar yaratish mumkin. Shuningdek, uni sarafan, kalta va uzun kurtkalar bilan kiyish ham mumkin. Ayniqsa, to‘q rangdagi sviterlar qomatni yanada ixchamroq ko‘rsatadi, yorqin rangdagilari esa qish faslida ham bahoriy ko‘rinish baxsh etadi.
Futbolka
Garderobdagi eng asosiy kiyim. Yengil ustki kiyim va kardigan ostidan ham ularni kiyish mumkin. Ular doimo har qanday ayolning garderobidan topish mumkin. Shuningdek, ularning narxlari boshqa liboslar kabi qimmat ham emas. Ayniqsa, oq rangdagisi barcha sport kiyimlari bilan ajoyib uyg‘unlikni hosil qiladi.
Jemper
To‘qilgan yoki trikotaj matoli jemperlar ham yana bir yordamchi liboslar sirasiga kiradi. Hozirda qish fasli bo‘lishiga qaramay, uni yubkalar bilan kiyish urfga aylandi. Shuningdek, keng hajmdagi jemperlarni jinsi va boshqa matoli shimlar bilan ham uyg‘unlashtirish mumkin.
Ko‘ylak
Moda olamida har bir ayolning garderobida qora rangli libos bo‘lishi kerak, degan qarash mavjud. Albatta, u qomatni ixcham qilib ko‘rsatadigan soddagina bichimda bo‘lishi kerak. Uzunligi tizzadan yoki biroz yuqoriroq modellarni tanlash tavsiya etiladi. U qanchalar oddiy bo‘lsa, qolgani uni to‘ldiruvchi aksessuar bilan boyitiladi. Bu kabi libosni baland poshnali poyabzal, paltolar bilan yoki kurtka va oq krassovka bilan ham moslashtirish mumkin.
Izoh (0)