Namangan viloyatining Pop tumanida do‘kondan 16 ta telefon o‘g‘irlagan 15 yoshli bolaga jinoyat ishi qo‘zg‘atildi. Bu haqda IIV Tergov departamenti xabar berdi.
Ma’lum bo‘lishicha, 12-oktabr kuni noma’lum shaxs 20 yoshli Nabijon F.ga qarashli “Pop Grand Kredit Savdo” korxonasining G‘urumsaroy filiali savdo do‘koniga eshik qulfini buzish yo‘li bilan g‘ayriqonuniy ravishda kirgan. Rastada bo‘lgan jami 16 810 400 so‘mlik turli rusumdagi 16 dona telefon apparatlarini yashirin ravishda talon-toroj qilib, hodisa joyidan yashiringan.
Holat yuzasidan Pop tumani IIB huzuridagi Tergov bo‘limi tomonidan 14-oktabr kuni noma’lum shaxsga nisbatan Jinoyat kodeksining 169-moddasi (o‘g‘rilik) 2-qismi “a,g” bandlari bilan jinoyat ishi qo‘zg‘atilgan.
Tergov-tezkor qidiruv tadbirlari natijasida mazkur jinoyatni voyaga yetmagan 15 yoshli O.B. sodir etilganligi aniqlangan hamda undan o‘g‘rilik yo‘li bilan qo‘lga kiritilgan 16 dona uyali telefon apparati va eshik qulfini buzishda foydalangan temir mix sug‘irgich ashyoviy dalil tariqasida protsessual tartibda rasmiylashtirib olingan.
Bola jinoyat ishida ayblanuvchi tariqasida ishtirok etishga jalb qilinib, unga nisbatan kuzatuv ostiga topshirish ehtiyot chorasi qo‘llanilgan.
Jinoyat ishi 28-noyabr kuni ayblov xulosasi bilan sud muhokamasiga yuborilgan.
Mavzuga doir:
- Toshkentda buvisining tilla taqinchoqlari va pullarini o‘g‘irlagan 21 yoshli qizga jinoyat ishi qo‘zg‘atildi
- Buxoroda qo‘shnisining uyidan qiymati 8,5 million so‘mlik buyumlarni o‘g‘irlagan 17 yoshli qiz qo‘lga olindi
- Buxoroda o‘zganing Damas’idan 300 dollar o‘g‘irlagan 19 yoshli shaxs qo‘lga olindi
Izoh (0)