Eng qattiqqo‘l davlat rahbarlarining rafiqalari qanday uslubda kiyinadi? (foto)

Kiyinish borasida o‘z uslubiga ega mazkur ayollar moda va did, turmush o‘rtoqlarining siyosiy qarashlariga bog‘liq emasligini isbotlasa, ayrimlari mamlakatdagi muhitdan kelib chiqqan holda kiyinadi.

Konstansiya Mange de Obiang

Konstansiyaning turmush o‘rtog‘i Ekvatorial Gvineyadagi harbiy to‘ntarilishdan keyin hokimiyatga kelgan. Mange xonim jamoatchilik ishlarida unchalik faol emas, u kamdan kam omma oldida chiqish qiladi.

Rasmiy uchrashuvlar uchun u kostyumlarni, boshqa mamlakatlarga tashrif uchun esa milliy liboslarni afzal biladi.

Ana Paula dush Santush

Angola sobiq prezidentining rafiqasi 2017-yilda mamlakat birinchi xonimi bo‘lgan. U sobiq model va styuardessa sifatida ham faoliyat olib borgan. Aynan styuardessa sifatida ishlayotganida davlat rahbari bilan tanishgan. U tadbirlar uchun oqsuyaklarga xos kiyinishni afzal biladi. Uning kiyinish uslubi asosan klassik bichimli kostyumlar, libos va past poshnali uchli tuflidan iborat.

Li Sol Ju

Li Shimoliy Koreya modasiga muvofiq kiyinishni xush ko‘radi. Mamlakatning o‘zida ishlab chiqarilgan kostyumlar, kalta yubka va baland bo‘lmagan poshnali tufli va aksessuar taqmaslik unga xos. Ammo shunga qaramay u Yevropa modasining ixlosmandi sanaladi.

Shantal Biyya

Kamerun prezidenti Pol Biyyaning rafiqasi kiyinish borasida boshqalarga o‘xshamaganligi bilan ajralib turadi.

Uning kiyinish uslubi boshqalarga tushunarsiz va g‘arb OAVlari uchun hamisha mavzu ekaniga qaramay, o‘z mamlakati aholisi uchun moda borasida ilhom olsa bo‘ladigan ayollardan hisoblanadi.

Sheyha Moza bint Naser al-Misned

Qatar amirining rafiqasi kiyinish borasida o‘ziga yarasha did egasi. Yorqin rangdagi liboslar, tufli va baland bo‘lmagan poshnali tufli va tyurban (bosh aksessuari) uning obrazlariga xos.

U brendlardan kiyinishi, qimmatbaho taqinchoqlardan foydalanishi mumkin. U erkin va istagan usubida kiyinishi mumkin.

Mishel Bennet

Gaitining birinchi xonimi kiyinish borasida Jaklin Kennedidan ilhomlanadi. Chanel uslubidagi kostyumlar, marjon, katta ko‘zoynak va qimmat poyabzal unga xos. Mishel xayriya ishlari bilan shug‘ullangan, ammo keyinchalik bu mablag‘lar o‘zlashtirib olingani ma’lum bo‘lgan.

Turmush o‘rtog‘i haddan ortiq hashamatda yashagani, ball va xaridlar sabab tanqidlar ostida qolgan. 1986-yilda ommaviy noroziliklar sabab juftlik qimmatbaho narsalarni o‘zi bilan olib mamlakatdan qochib ketgan. Keyinchalik ular ajrashgan va Mishel o‘zi mablag‘ning ma’lum qismini olib qolgan va hashamatli hayot kechirishida davom etgan.