Taniqli shaxmat sharhlovchisi Akrom Toshxo‘jayev 66 yoshida vafot etdi

O‘zbekistonda xizmat ko‘rsatgan jurnalist, taniqli sport sharhlovchisi Akrom Toshxo‘jayev 29-noyabr kuni 66 yoshida olamdan ko‘z yumdi. Bu haqda sport vazirligi matbuot xizmati ma’lum qildi.

Akrom Toshxo‘jayev butun faoliyatini O‘zbekiston milliy teleradiokompaniyasida (MTRK) o‘tkazgan. Uzoq yillar “O‘zbekiston” telekanalida, 2004-yildan to nafaqaga chiqqunga qadar “Sport” telekanalida ishlagan.

Toshxo‘jayev muxlislarga “Shoh va mot” ko‘rsatuvi orqali, shuningdek, Rustam Qosimjonov ishtirokidagi chempionlik uchrashuvini sharhlab borganligi bilan yaxshi tanish.