Futbol bo‘yicha Italiya A Seriyasining 9-turidan o‘rin olgan bir qator uchrashuvlar 28-noyabr, shanba kuni bo‘lib o‘tdi.
“Inter” safarda “Sassuolo” bilan bahs yuritdi. Uchrashuvning 4-daqiqasida Aleksis Sanches milanliklarni oldinga olib chiqdi. Oradan ko‘p o‘tmay Vlad Kirikesh o‘z darvozasini ishg‘ol qilib qo‘ydi. 60-daqiqada Roberto Galyardini hisobni yirik ko‘rinishga olib keldi.
“Inter” ushbu g‘alabadan keyin ochkolarini 18 taga yetkazib olgan holda 2-o‘ringa ko‘tarildi. “Sassuolo” (18) esa 3-pog‘onaga joylashgan.
“Yuventus” esa “Benevento” maydonida mehmon bo‘ldi. 21-daqiqada Alvaro Morata turinliklarni hisobda oldinga olib chiqdi. Birinchi bo‘limga qo‘shib berilgan vaqtda Gaetano Letitsia muvozanatni tikladi.
Ikkinchi bo‘lim mehmonlar ustunligida o‘tdi, biroq Andrea Pirlo shogirdlari raqib darvozasi tomon yo‘l topa olmadi. “Yuventus” 17 ochko bilan 4-o‘rinda bormoqda.
A Seriya
9-tur bahslari
28-noyabr, shanba
“Sassuolo” — “Inter” 0:3
Gollar: 0:1 – 4 Sanches, 0:2 – 14, avtogol Kirikesh, 0:3 – 60 Galyardini.“Sassuolo”: Konsilyi, Tolyan (Myuldyur, 59), Rojerio, Kirikesh (Marlon, 42), Ferrari, Jurichich (Obiang, 59), Lopes (Skyappakasse, 76), Boga, Lokatelli, Berardi, Raspadori (Traore, 76).
“Inter”: Handanovich, Bastoni, Shkrinyar, de Vrey, Darmian (Hakimi, 90), Perishich (Eriksen, 85), Galyardini, Vidal, Barella (Sensi, 85), Sanches (Yang, 80), Martines (Lukaku, 80).
Ogohlantirishlar: Lokatelli (49), Rojerio (57), Lopes (66), Perishich (80).
“Benevento” — “Yuventus” 1:1
Gollar: 0:1 – 21 Morata, 1:1 – 45+3 Letitsia.“Benevento”: Montipo, Letitsia, Glik, Barba, Kaldirola (Majo, 33; Insinye, 60), Xetemay, Skyattarella, Kaprari (Tuyya, 72), Ionitse (Telyo, 71), Improta, Lapadula (Sau, 72).
“Yuventus”: Shensni, de Ligt, Danilo, Frabotta, Artur (Bentankur, 62), Kuadrado, Rabyo, Remzi (Kulusevski, 62), Kyeza (Bernardeski, 69), Morata, Dibala.
Ogohlantirishlar: Majo (59), Kuadrado (80), Skyattarella (82), Barba (86), Glik (86), Improta (90), Insinye (90).
Chetlatish: Morata (90+7).
“Atalanta” — “Verona” 0:2
Gollar: 0:1 – 62, penalti Velozu, 0:2 – 83 Zakkanyi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)