Qozog‘istonda koronavirus qurbonlari soni 2020 kishiga, Qirg‘izistonda esa 1262 kishiga yetdi

Qozog‘istonda 27-noyabr holatiga ko‘ra, yana 826 kishida koronavirus tasdiqlandi. Bu haqda mamlakat Sog‘liqni saqlash vazirligiga tayanib, Tengrinews xabar berdi.

Ma’lumotlarga ko‘ra, mamlakatda hozirga qadar COVID-19 bilan kasallanganlarning umumiy soni 130 039 nafarga yetgan, ularning 116 044 nafari sog‘aygan, 2020 kishi vafot etgan. Shuningdek, 1-avgustdan buyon Qozog‘istonda 41 940 kishida pnevmoniya aniqlangan bo‘lib, ularning 440 nafari vafot etgan.

Koronavirusga chalinish bo‘yicha holatlar quyidagi hududlarda aniqlangan:

• Olmaota shahri — 15 960;
• Nur-Sulton shahri — 15 906;
• Atirau viloyati — 11 598;
• Qarag‘anda viloyati — 11 052;
• Sharqiy Qozog‘iston viloyati — 16 056;
• G‘arbiy Qozog‘iston viloyati — 7955;
• Chimkent shahri — 5355;
• Olmaota viloyati — 5649;
• Jambil viloyati — 4397;
• Shimoliy Qozog‘iston — 6186;
• Pavlodar viloyati — 6134;
• Kostanay viloyati — 5127;
• Aqmo‘la viloyati — 4986;
• Turkiston viloyati — 3475;
• Mang‘istov viloyati — 3434;
• Qizilo‘rda viloyati — 3289;
• Aqto‘be viloyati — 3480.

Avvalroq Qozog‘iston prezidenti koronavirusga oid statistikani yashirmaslikka chaqirgan edi.Qirg‘izistonda o‘tgan bir sutka ichida yana 423 kishida koronavirus aniqlab, butun mamlakat bo‘ylab COVID-19’ga chalinganlar soni 71 971 kishiga yetdi. Bu haqda mamlakat Sog‘liqni saqlash vazirligiga tayanib, Kloop xabar berdi.

O‘tgan bir sutka ichida koronavirusga chalinish bo‘yicha holatlar quyidagi hududlarda aniqlangan:

• Bishkek — 130;
• Chuy viloyati — 102;
• O‘sh viloyati — 35;
• Jalolobod viloyati — 50;
• Issiqko‘l viloyati — 33;
• O‘sh shahri — 16;
• Botken viloyati — 29;
• Norin viloyati — 11;
• Talas viloyati — 17.

Shuningdek, o‘tgan bir sutka ichida 461 kishiga kasalxonadan javob berilgan. Bugungi kunga qadar 63 407 kishi virusdan sog‘aygan. Hozirda mamlakat shifoxonalarida jami 2869 nafar bemor qolmoqda, ularning 109 nafari ahvoli o‘ta og‘ir, 750 nafariniki og‘ir.

Qirg‘iziston Sog‘liqni saqlash vazirligi ma’lumotlariga ko‘ra, mamlakatda pandemiya boshlanganidan buyon 1262 kishi COVID-19 qurboniga aylangan.

Afg‘oniston Sog‘liqni saqlash vazirligining ma’lumotlariga ko‘ra, o‘tgan bir sutka ichida mamlakatda yana 123 kishida koronavirus aniqlangan, deb xabar beradi Tolo News.

Butun mamlakatda hozirga qadar koronavirus infeksiyasi bilan kasallanganlar soni 45 842 kishiga yetgan.

Bemorlarning 36 295 nafari sog‘aygan bo‘lsa, 1740 kishi virus asoratlari oqibatida vafot etgan.

Vazirlik ma’lumotlariga ko‘ra, bugungi kunga qadar davlat markazlarida 145 540 marta koronavirusga test olingan.

Tojikistonda koronavirusga chalinganlar soni 12 082 kishiga yetdi. Bu butun dunyodagi jami kasallanganlar sonining 0,02 foizini tashkil etmoqda, deb yozadi Central Asia.

Mamlakat Sog‘liqni saqlash vazirligining ma’lumotlariga ko‘ra, hozirga qadar Tojikistonda 86 kishi COVID-19 qurboniga aylangan. Hozirga qadar mamlakatda 11 478 kishi sog‘aygan.

O‘zbekistonda 28-noyabr soat 10:17 holatiga ko‘ra, koronavirus infeksiyasi qayd etilganlar soni 72 582 nafarni tashkil etmoqda. Bu haqda SSV matbuot xizmati xabar berdi.

Mamlakatda hozirga qadar 69 859 nafar koronavirus infeksiyasiga chalingan fuqarolar tuzalgan va sog‘ayish ko‘rsatkichi 96 foizni tashkil qilmoqda.

Hozirda O‘zbekistonda 2115 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.

Avvalroq O‘zbekistonda koronavirus bo‘yicha savollarga javob beradigan Call-markaz faoliyati vaqtinchalik to‘xtatilgani to‘g‘risida xabar berilgandi.