Jahon sog‘liqni saqlash tashkilotining favqulodda kasalliklar boshqarmasi rahbari Mariya van Kerxove ayrim mamlakatlarda koronavirus bilan kasallanish holatlari kam kuzatilayotganiga qaramay, ulardan bo‘shashmaslikni so‘radi, deb xabar beradi “Interfaks”.
Shuningdek, u barcha davlatlarni kasallikning kelajakdagi ehtimoliy to‘lqiniga tayyorgarlik doirasida koronavirus borasidagi testlar ko‘lamini oshirishga chaqirgan. Kerxovening ta’kidlashicha, JSST davlatlarning loukdaundan lokdaunga majburan o‘tayotganiga oid vaziyatni kuzatishni xohlamaydi.
Koronavirus tarqalishini real vaqtda kuzatib kelayotgan Jons Hopkins universiteti ma’lumotlariga ko‘ra, hozirda butun dunyo bo‘ylab koronavirusga chalinganlar soni 61 million kishidan oshgan, 1,44 milliondan ortiq odam COVID-19 qurboniga aylangan bo‘lsa, bemorlarning 39,5 milliondan ortig‘i sog‘aygan.
Biroq JSSTning ogohlantirishicha, dekabr o‘rtalarida AQSh nazorat organlaridan ruxsat oladigan potensial vaksinalar hozirda turli davlatlar duch kelgan koronavirus to‘lqinini yumshata olmaydi.
Avvalroq olimlar 75 foiz aholini har uch kunda COVID-19 koronavirus infeksiyasiga ekspress-testlar orqali tekshirish pandemiyaga olti hafta ichida barham berishi mumkinligini ma’lum qilgandi.
Izoh (0)