Professional boksning o‘rta vazn toifasida (-72,5 kg) IBO hamda IBF chempionlik kamarlari sohibi, qozog‘istonlik Gennadiy Golovkinning (40-1-1, 35 KO) navbatdagi jangi sanasi va raqibi tasdiqlandi.
Golovkinning navbatdagi jangi 18-dekabrga belgilandi. Unga ushbu jangda polshalik yengilmas bokschi Kamil Sheremeta (21-0, 5 KO) raqiblik qiladi.
Golovkin ushbu jang orqali ikkala kamarini himoya qilishi yoki aksincha mag‘lub bo‘lsa, ulardan ayrilishi mumkin.
Ma’lumot uchun, Golovkin o‘zining so‘nggi jangini 2019-yil 5-oktabrida Sergey Derevyanchenkoga qarshi o‘tkazib, raqibini ochkolar evaziga taslim qilgandi.
Sheremeta ham so‘nggi jangini aynan o‘sha sanada Oskar Kartesga qarshi o‘tkazib, raqibini nokautga uchratgandi.
Mavzuga doir: Vasiliy Lomachenkodan Aleksandr Povektingacha. 2020-yilda o‘tkazilishi kutilayotgan 10 ta shov-shuvli jang haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)