Bugun,

  • USD 10920.28
  • RUB 177.49
  • EUR 11052.42

Toshkent shahrining Sergeli tumanida qurilishi yakunlanayotgan metro liniyasi 2020-yilning oxirida ishga tushiriladi. Bu haqda “O‘zbekiston 24” telekanalida ma’lum qilindi.

Ma’lum qilinishicha, Sergeli yo‘nalishi ishga tushganidan so‘ng 35 000 yo‘lovchiga xizmat qiladi. Hozirda ushbu yo‘nalishni qurish ishlarida 1200 ga yaqin mutaxassis va ishchi xodimlar, 100 dan ortiq mashina hamda texnikalardan foydalanilmoqda.

Yerusti metro bekatlarining bezaklarida zamonaviy qurilish materiallaridan foydalanilgan. Ayni paytda bekatlar milliy me’moriy ko‘rinishdagi holatga keltirilmoqda.

Ta’kidlanishicha, loyiha yakuniga yetgach 210 dan ortiq yangi ish o‘rinlari yaratiladi.

Chilonzor yo‘nalishining Olmazor bekatidan yangi qurilayotgan Sergeli metro yo‘nalishining so‘nggi bekatigacha sinov rejimida poyezd o‘z harakatini amalga oshirdi. Hozirda Sergeli metro yo‘nalishida yakuniy qurilish-montaj ishlari olib borilmoqda.

Avvalroq Toshkent metropolitenining Sergeli yo‘nalishida sinov tariqasida poyezd harakatlangani hamda ushbu yo‘nalishini qurish ishlari yakunlanayotgani ma’lum qilingandi.

Izoh
Asosiy yangiliklar
Mahalliy
Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Mahalliy
O‘zbekistonda magistraturada o‘qiyotgan xotin-qizlarning kontrakt to‘lovini qoplab berish tartibi belgilandi
Mahalliy
Toshkentdagi klinikada janjal ko‘targan opa-singilga sud hukmi o‘qildi