Muxlislar qalbidan joy olgan turk kinosanoati vakillari boshqa davlat ijodkorlari va rejissorlari e’tiborini ham jalb etgan.

Jansu Tosun

Foto: “Yandeks Dzen”

“Chuqur” serialidagi Vartalu roli bilan yaxshi tanish bo‘lgan Erkan Kolchak Kostendile bilan turmush qurgan aktrisa Jansu Tosun 1988-yilda dunyoga kelgan.

Foto: “Yandeks Dzen”

U Fransiya kinoijodkorlari tomonidan 2019-yilda suratga olingan “Anna” filmida suratga tushgan. Film rejissori — Lyuk Besson. 80-yillardagi voqealarga asoslangan film KGBda faoliyat yuritadigan Anna ismli qiz haqida hikoya qiladi. Jansu mazkur filmda ikkinchi darajali qahramon rolini ijro qilgan.

Meltem Jumbul

Foto: “Yandeks Dzen”

Meltem Jumbul 1969-yilda dunyoga kelgan. Aktrisa “Muhtasham yuz yil” serialidagi Fatma sulton roli bilan yaxshi tanish.

Foto: “Yandeks Dzen”

U 2010-yilda “Ayt menga, Tangri” nomli filmda Rishi Kapur gavdalantirgan qahramonning rafiqasi rolini ijro qilgan. Film rejissori mashhur Xema Malini bo‘lgan.

Saadet Aksoy

Foto: “Yandeks Dzen”

1983-yilda dunyoga kelgan aktrisa “Muhtasham yuz yil” serialida suratga tushgan. U 2012-yilda Italiyaning “Ikki marta tug‘ilish” nomli filmida rol o‘ynagan.

Foto: “Yandeks Dzen”

Serjio Kastellitto rejissori bo‘lgan mazkur film Margaret Madzantini asarining ekranizatsiyasi hisoblanadi, unda Penelopa Krus bosh rolni ijro qilgan.

Belchim Bilgin

Foto: “Yandeks Dzen”

1983-yilda dunyoga kelgan aktrisa “Sevgi tasodiflarni sevar” filmidagi roli bilan yaxshi tanish. U 2018-yilda Daniya, Kanada va AQSh tomonidan hamkorlikda suratga olingan “Boshlang‘ichlar uchun sotqinlik” trillerida bosh qahramon rolini ijro qilgan.

Xaluk Bilginer

Foto: “Yandeks Dzen”

1954-yil dunyoga kelgan aktyorning so‘nggi eng esda qolarli ijrolaridan biri 2018-yilda suratga olingan “Shaxsiyat” seriali bo‘lgan va unda Alsgeymer kasalligiga chalingan qotilni gavdalantirgan.

Foto: “Yandeks Dzen”

Foto: “Yandeks Dzen”

Bundan tashqari, u Gollivudda ham bir necha marta rol ijro qilishga muvaffaq bo‘lgan. 1992-yilda “Yosh Indiana Jonsning sarguzashtlari”, 2001-yilda “Buffalo askarlari” va 2009-yilda “The International” filmida suratga tushgan. 2016-yil aktyor “Ben-gur” filmida, shuningdek, “Xellouin” filmida psixiatr rolini ijro qilgan.

Sibel Kekilli

Foto: “Yandeks Dzen”

Kelib chiqishi turk bo‘lgan nemis aktrisasi Sibel Kekilli 1980-yilda dunyoga kelgan. U “Taxtlar o‘yini”da Shai rolini ijro qilgan.

Mehmet Gunsur

Foto: “Yandeks Dzen”

1975-yilda dunyoga kelgan aktyor “Muhtasham yuz yil” serialidagi roli bilan yaxshi tanish.

Foto: “Yandeks Dzen”

U 2007-yilda Amerikaning detektiv janrida suratga olingan “Fall Down Dead” filmida suratga tushgan.

Yilmaz Erdo‘g‘on

Foto: “Yandeks Dzen”

“Kapalakning tushi” nomli tarixiy filmdagi ijrosi bilan yaxshi tanish bo‘lgan aktyor amerikalik kinoijodkorlar tomonidan suratga olingan “Suv axtaruvchilar” filmida Rassel Krou bilan birga suratga tushgan.