O‘zbekistonda bag‘rikenglik bo‘yicha jamoatchilik kengashlari tashkil etiladi

Hukumatning “Millatlararo totuvlik, bag‘rikenglik va hamjihatlikni ta’minlash bo‘yicha jamoatchilik kengashlari faoliyatini tashkil etish to‘g‘risida”gi qarori qabul qilindi, deya xabar bermoqda Norma.

Ma’lum qilishicha, hujjat prezidentning “Millatlararo munosabatlar sohasida O‘zbekiston Respublikasi davlat siyosati konsepsiyasini tasdiqlash to‘g‘risida”gi 2019-yil 15-noyabrdagi PF-5876-sonli  farmoni ijrosi yuzasidan qabul qilingan.

Davlat organlari va tashkilotlari, mahalliy ijro hokimiyati organlarining fuqarolik jamiyati institutlari bilan millatlararo munosabatlar sohasida o‘zaro hamkorligini kuchaytirish uchun hujjat bilan:

• Qoraqalpog‘iston Vazirlar Kengashi, viloyatlar va Toshkent shahar hokimliklari huzuridagi Millatlararo totuvlik, bag‘rikenglik va hamjihatlikni ta’minlash bo‘yicha jamoatchilik kengashlari to‘g‘risidagi namunaviy nizom;
• Tumanlar (shaharlar) hokimliklari huzuridagi Millatlararo totuvlik, bag‘rikenglik va hamjihatlikni ta’minlash bo‘yicha jamoatchilik kengashlari to‘g‘risidagi namunaviy nizom;
• Qoraqalpog‘iston Vazirlar Kengashi, viloyatlar va Toshkent shahar hokimliklari huzuridagi Millatlararo totuvlik, bag‘rikenglik va hamjihatlikni ta’minlash bo‘yicha jamoatchilik kengashlarining namunaviy tarkibi;
• Tumanlar (shahar) hokimliklari huzuridagi Millatlararo totuvlik, bag‘rikenglik va hamjihatlikni ta’minlash bo‘yicha jamoatchilik kengashlarining namunaviy tarkibi tasdiqlandi.

• turli millat vakillari yashayotgan hududlar aholisining maishiy va ijtimoiy-iqtisodiy muammolarini har chorakda muhokama qilish va hamkorlikda hal etishni tashkil qilish hamda monitoringini olib borish;
• millatlararo ixtiloflar va mojarolarning barvaqt oldini olish va profilaktika qilish;
• millatlararo munosabatlar sohasida davlat organlari bilan fuqarolik jamiyati institutlari o‘rtasidagi o‘zaro hamkorlik va ijtimoiy sheriklik mexanizmlarini takomillashtirish bo‘yicha takliflar berish;
• millatlararo munosabatlar sohasida davlat siyosati amalga oshirilishi uchun mas’ul bo‘lgan davlat organlari faoliyati bo‘yicha jamoatchilik nazoratini kuchaytirish.

Avvalroq Abdulaziz Komilov diniy erkinliklarni ilgari surish bo‘yicha vazirlar konferensiyasida ishtirok etgandi.