“Yuventus” Yevropa Chempionlar Ligasi 4-turida “Ferensvarosh”ni mag‘lubiyatga uchratdi (2:1).
Turinliklarning gollaridan biriga Krishtianu Ronaldu mualliflik qildi. Opta ma’lumotiga ko‘ra, bu Ronalduning musobaqa doirasidagi uy uchrashuvlarida urgan 70-goli bo‘ldi. Portugaliyalik futbolchi bu borada “Barselona” hujumchisi Lionel Messining rekordini takrorladi.
Shuningdek, Ronaldu Chempionlar Ligasining ketma-ket 15-mavsumida gol urishga muvaffaq bo‘ldi.
“Yuventus” 4-turdan keyin 9 ochko to‘plagan holda ikkinchi o‘rinda bormoqda va pley-off masalasini muddatidan avval hal qilib qo‘ydi. Turin klubi peshqadam “Barselona”dan uch ochko ortda qolmoqda.
A Seriya chempioni keyingi turni 2-dekabr kuni “Dinamo Kiyev”ga qarshi o‘yin o‘tkazadi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)