Yengil vazn toifasida UFC chempioni Habib Nurmagomedov (29-0) promoushen prezidenti Deyna Uaytga murojaat qildi.
“Yaqinda ko‘rishamiz, Deyna Uayt”, — deya yozadi rossiyalik yakkakurashchi o‘z Instagram sahifasida.
Habib bu orqali nimani nazarda tutgani noma’lum.
Eslatib o‘tamiz, 24-oktabr kuni Abu-Dabidagi (BAA) “Jangchilar oroli”da bo‘lib o‘tgan musobaqa asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
Shundan keyin Uayt bir necha bor Habibning qaytishiga ishonchi komil ekanini aytdi. Shuningdek, avvalroq sportchining menejeri Ali Abdulaziz Habibning qaytishiga shama qilgandi.
Izoh (0)