Dortmundning “Borussiya” klubi hujumchisi Erling Holand Chempionlar Ligasi 4-turi doirasida “Bryugge”ga qarshi kechgan bahsda (3:0) dublga erishdi.
Norvegiyalik futbolchi Chempionlar Ligasidagi dastlabki 12 o‘yinida 16 ta gol urishga muvaffaq bo‘ldi. Erling musobaqa tarixida 15 gollik dovonni eng tez zabt etgan o‘yinchiga aylandi.
Bu borada eng yaxshi natija Rud van Nistelroy va Roberto Soldadoga tegishli bo‘lib, ular buning uchun 19 ta o‘yin sarflagandi. Keyingi eng yaxshi ko‘rsatkich esa Harri Keynga tegishli — 20.
Krishtianu Ronaldu musobaqadagi dastlabki 15 ta golini 51 ta o‘yinda urgan, Lionel Messi esa 29 o‘yinda, Robert Levandovski — 25.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)