Madridning “Real” klubi Yevropa Chempionlar Ligasi 4-turi doirasida “Inter”ga qarshi kechadigan uchrashuv uchun kengaytirilgan tarkibni e’lon qildi.
Zinedin Zidan qaydnomaga 21 nafar futbolchini kiritdi. Uchrashuvda himoyachilar Serxio Ramos va Alvaro Odriosola, yarim himoyachi Federiko Valverde, shuningdek, Karim Benzema jarohat sabab o‘yinda ishtirok eta olmaydi.
Himoyachi Eder Militao va hujumchi Luka Yovich koronavirus sabab uchrashuvda qatnasha olmaydi.
“Real”ning qaydnomasi bilan tanishing:
Darvozabonlar: Tibo Kurtua, Andrey Lunin, Diyego Altube.
Himoyachilar: Daniel Karvaxal, Rafael Varan, Nacho Fernandes, Marselo, Ferlan Mendi, Viktor Chust.
Yarim himoyachilar: Toni Kroos, Luka Modrich, Kazemiro, Martin Edegor, Isko.
Hujumchilar: Eden Azar, Marko Asensio, Lukas Vaskes, Vinisius Junior, Mariano Dias, Rodrigo Goes, Ugo Duro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!