Vadim Abramov O‘zbekiston terma jamoasining asosiy kamchiligi nimada ekanini aytdi

O‘zbekiston terma jamoasi va “Bunyodkor” klubi bosh murabbiyi Vadim Abramov terma jamoaning asosiy muammosi haqida gapirdi.

Ha, ko‘pincha gol o‘tkazib yuboramiz. Bunga sabab qilib himoyachilarning birga bir vaziyatda o‘ynay olmasligini ko‘rsatish mumkin. Muammo bolalar futbolidagi murabbiylarga borib taqaladi. Afsuski, ular bolalarni birga bir o‘ynashga o‘rgatmaydi. Bizda bolalar futbolida ham bitta hujumchi bilan o‘ynaladi va unga qarshi to‘rtta himoyachi o‘ynaydi. Shu sabab ular sifat emas, son evaziga himoyalanadi. Birga bir vaziyatda o‘ynashni o‘rganmagani kattalar futbolida ham o‘z ta’sirini ko‘rsatadi.

“Bunyodkor”da shunday salohiyatga ega futbolchi bormi? Albatta, menimcha, Islom Qobilov so‘nggi vaqtlarda bu borada o‘sishga erishdi. Klubga kelgan vaqtim himoyachilarni sinovdan o‘tkazdim. Shunday mashq bor, hujumchi va himoyachi birga bir vaziyatda bellashadi. To‘g‘risini aytsam, Qobilov to‘pni qanday olib qo‘yishni bilmasligi men uchun “syurpriz” bo‘lgan. Juda hayron qolgandim, bu meni shok holatiga tushirgandi. Axir, u olimpiya terma jamoasining asosiy futbolchisi edi.

Vadim Abramov, O‘zbekiston terma jamoasi bosh murabbiyi

• Vadim Abramov: “Agar legioner o‘yin amaliyotiga ega bo‘lmasa, undan nima foyda?”
• Vadim Abramov: O‘zbekiston terma jamoasi JCh—2022 saralashining keyingi bosqichiga chiqsa, “Bunyodkor”ni tark etaman
• Vadim Abramov: “Men murabbiyman, agent emas. Murabbiylar oldi-sotdi bilan shug‘ullanmaydi”
• Vadim Abramov O‘zbekiston terma jamoasidagi almashtirib bo‘lmas futbolchi kimligini aytdi