Futbol bo‘yicha Anliya Premyer Ligasining 9-turida “Tottenhem” 21-noyabr, shanba kuni “Manchester Siti” bilan bahs yuritdi.

Foto: Twitter

Uchrashuvning 5-daqiqasidayoq londonliklar oldinga o‘tib oldi: Tangi Ndombelening uzatmasidan keyin Son Hyon Min darvozabon bilan birga bir vaziyatga chiqib bordi va imkoniyatni ko‘kka sovurmadi. Birinchi bo‘limda har ikki jamoada yana bir qator imkoniyatlar bo‘ldi, biroq tanaffusga qadar hisob o‘zgarishsiz qoldi.

Ikkinchi bo‘limning dastlabki daqiqalari “shaharliklar”ning bosimi ostida o‘tdi, “shporlar” esa himoyadagi ishonchli harakatlar evaziga o‘z darvozasi daxlsizligini saqlab qola oldi. 65-daqiqada Jovani lo Chelso zaxiridan maydonga qo‘shilganidan sanoqli soniyalar o‘tib gol urdi va hisobni ishonchli ko‘rinishga keltirdi.

So‘nggi daqiqalarda “Manchester Siti” yana raqib darvozasi oldida qator hujumlarni sodir etdi. Ammo shu hisob o‘zgarmay qoldi.

Shu tariqa Joze Mourinyo shogirdlarining ochkolari 20 taga yetdi va jamoa birinchi o‘ringa ko‘tarildi. “Manchester Siti” (12) esa 10-pog‘onada qolmoqda.

APL

9-tur bahsi

21-noyabr, shanba

“Tottenhem” — “Manchester Siti” 2:0

Gollar: 1:0 – 5 Son Hyon Min, 2:0 – 65 Lo Chelso.

“Tottenhem”: Lyoris, Regilon, Orye, Alderveyreld (Rodon, 81), Dayer, Sissoko, Hyoybyerg, Son Hyon Min, Ndombele (Lo Chelso, 65), Bergveyn (Lukas Moura, 73), Keyn.

“Manchester Siti”: Ederson, Lyayaport, Joau Kanselu, Ruben Diash, Uoker, de Bryuyne, Bernardu Silva (Foden, 72), Marez (Sterling, 72), Rodri, Ferran Torres, Gabriel Jezus.

Ogohlantirishlar: Sissoko (42), Ruben Diash (87), Ferran Torres (88), Keyn (90).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!