Madridning “Real” klubi La Liga 10-turi doirasida “Vilyarreal”ga qarshi kechadigan uchrashuv uchun kengaytirilgan tarkibni e’lon qildi.

Foto: Twitter/@realmadrid

Zinedin Zidan qaydnomaga 20 nafar futbolchini kiritdi. Daniel Karvaxal va Martin Edegor jarohatini tiklab, jamoa safiga qaytgan.

Himoyachilar Serxio Ramos, Alvaro Odriosola, Federiko Valverde va Karim Benzema jarohat sabab o‘yinda ishtirok eta olmaydi. Shuningdek, Eder Militao, Kazemiro va Luka Yovich koronavirus tufayli madridliklarga yordam bera olmaydi.

“Real”ning qaydnomasi bilan tanishing:

Darvozabonlar: Tibo Kurtua, Andrey Lunin, Diyego Altube.

Himoyachilar: Daniel Karvaxal, Rafael Varan, Nacho Fernandes, Marselo, Ferlan Mendi, Viktor Chust.

Yarim himoyachilar: Toni Kroos, Luka Modrich, Martin Edegor, Isko, Karlos Aranda.

Hujumchilar: Eden Azar, Marko Asensio, Lukas Vaskes, Vinisius Junior, Mariano Dias, Rodrigo Goes.

“Vilyarreal” — “Real” uchrashuvi Toshkent vaqti bilan 21-noyabr kuni 20:15 da boshlanadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!