PSJ hujumchisi Kilian Mbappe Fransiya chempionati 11-turida “Monako”ga qarshi kechgan bahsda (2:3) dublga erishdi.

Foto: Goal

Bu 21 yoshli futbolchi uchun parijliklar safidagi 98 va 99-gollar bo‘ldi. Shu tariqa Mbappe PSJ tarixidagi to‘purarlar ro‘yxatida 5-o‘ringa ko‘tarildi.

Fransiyalik futbolchi faqat Edinson Kavani (200 ta gol), Zlatan Ibragimovich (156), Pedru Pauleta (109) va Dominik Roshtodan (100) ortda qolmoqda.

Mbappe Liga 1 2020/21-yilgi mavsumida 7 ta o‘yin o‘tkazib, 9 gol va 4 ta golli uzatma muallifiga aylandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!